Spain’s flood survivors hurl mud, shout insults at royal family: اسپین میں سیلاب سے زبردست تباہی، لوگوں کا پھوٹا غصہ، وزیراعظم کی گاڑی پر پتھراؤ

ان دنوں اسپین میں خوفناک سیلاب نے دستک دی ہے، اس سیلاب میں اب تک 200 سے زائد افراد لقمہ اجل بن چکے ہیں۔ لاپتہ افراد کی تلاش جاری ہے۔ اب سیلاب متاثرین کا غصہ بھی حکومت کے خلاف پھوٹنے لگا ہے۔ یہاں اسپین کے بادشاہ اور ملکہ کو لوگوں کے غصے کا سامنا  بھی کرنا پڑا۔ لوگوں نے بادشاہ اور ملکہ پر کیچڑ پھینکا۔ گالیاں دیں اور نعرے بازی کی۔

پولیس نے طاقت کا استعمال کیا

قابل ذکر بات یہ ہے کہ اسپین کی پولیس نے طاقت کا استعمال کرکے مشتعل ہجوم کو منتشر کرنے کی کوشش کی۔ ذرائع  کے مطابق بادشاہ اور ملکہ کو سیلاب سے متاثرہ صوبہ ویلنسیا کے شہر چیوا بھی جانا تھا۔ لیکن مشتعل ہجوم کی وجہ سے دورہ منسوخ کرنا پڑا۔

حکام کی جانب سے سیلاب کی وارننگ کے باوجود مناسب امداد نہ ملنے کی وجہ سے لوگوں کو کافی  پریشانی  کا سامنا کرنا پڑرہا ہے۔ دوسری جانب سیلاب سے ہونے والی تباہی کے درمیان راحت اوربچاؤ کا کام جاری ہے۔ ہنگامی کارکن لوگوں کو بچانے میں مصروف ہیں۔ زیر زمین پارکنگ اور سرنگوں سے لوگوں کی لاشیں تلاش کی جارہی ہیں۔

یہ بھی پڑھیں:‘اگر یہ جرم ہے تو میں اسے ہزار بار کرنے کو تیار ہوں’، ایکناتھ شنڈے ، کمیٹمنٹ کردیا تو خود کی بھی نہیں سنتا

پی ایم کی گاڑی پر پتھراؤ

بادشاہ اور ملکہ کے ہمراہ ہسپانوی وزیر اعظم پیڈرو سانچیز اور ویلنسیئن پارلیمنٹ کے سربراہ کارلوس مازون بھی تھے۔ لیکن ہجوم کا غصہ کم نہیں ہوا۔ اس کے بعد پی ایم کو وہاں سے بحفاظت نکال لیا گیا۔ اسپین کی میڈیا رپورٹس کے مطابق پی ایم سانچیز پر کئی چیزوں سے حملہ کیا گیا۔ بی بی سی کے مطابق پی ایم سانچیز کی گاڑی پر بھی پتھروں سے بھی حملہ کیا گیا ہے۔

لوگ ناراض کیوں تھے؟

اس کے بعد حکام نے صورتحال پر فوری کارروائی نہیں کی۔ جس کی وجہ سے لوگوں کا غصہ مزید بڑھ گیا۔ لوگوں میں اس بات پر بھی غصہ پایا گیا کہ حکومت نے تاخیر سے کارروائی کی اور کوئی صحیح منصوبہ تیار نہیں کیا گیا۔ کئی گھروں میں مٹی، کیچڑ اور ملبے کی تہوں کی زیادہ تر صفائی خود رہائشیوں اور ہزاروں رضاکاروں نے خود کی ۔

بی بی سی کے مطابق اسپین میں گزشتہ 50 سالوں میں سیلاب کا ریکارڈ ٹوٹ گیا ہے۔ اس سے قبل 1973 میں سیلاب کی وجہ سے 150 افراد ہلاک ہوئے تھے۔ ویلنسیا کو 1980 کی دہائی میں دو DANA سمندری طوفانوں کا بھی سامنا کرنا پڑا۔

بھارت ایکسپریس