Akshay Kumar submit bid for Noida Film City: اترپردیش میں فلم سٹی بنائیں گے اکشے کمار! پروجیکٹ کا بجٹ جان کر رہ جائیں گے حیران

یہ فلم سٹی 1000 ایکڑکے ایریا میں بن کرتیارہونے والا ہے۔ ٹائمس آف انڈیا کی ایک رپورٹ کے مطابق تو 740 ایکڑایریا ایسا ہوگا، جسے فلموں کی شوٹنگ کے لئے رکھا جائے گا۔ اس میں 40 ایکڑکی جگہ میں فلم انسٹی ٹیوٹ بھی ہوگا۔ اس فلم سٹی میں 120 ایکڑ کے ایریا میں امیوجمنٹ پارک بنے گا اور بچی ہوئی 100 ایکڑ کی جگہ کمرشیل استعمال کے کام آئے گا۔ بتایا جا رہا ہے کہ اس میں میڈیا انڈسٹری کے آفس، تھیم پارک، ہوٹل اور ریٹیل اسٹور بھی ہوں گے۔

10 ہزار کروڑ ہے پروجیکٹ کی لاگت

رپورٹ کی مانیں تواس فلم سٹی کو بنانے میں 10 ہزار کروڑ روپئے کا انوسٹمنٹ ہے۔ کہا جا رہا ہے کہ تینوں فیزکا کام سال 2029-2028 تک پورا ہوجائے گا۔ وہیں اسی پروجیکٹ میں انوسٹ کرنے کے لئے اکشے کماراور باقی ہستیوں نے ٹینڈربھرے ہیں۔ یہ فلم سٹی اس لئے بھی خاص ہے، کیونکہ یہ زیورایئرپورٹ سے صرف چارکلو میٹر کی دوری پر بن رہا ہے۔ رپورٹ کے مطابق، فلم سٹی کو پاڈ ٹیکسی کے ذریعہ ایئرپورٹ سے جوڑنے کی بھی تیاری ہے۔