Akshay Kumar submit bid for Noida Film City: اترپردیش میں فلم سٹی بنائیں گے اکشے کمار! پروجیکٹ کا بجٹ جان کر رہ جائیں گے حیران

اکشے کمار یوپی کے وزیر اعلیٰ یوگی آدتیہ ناتھ کے ساتھ۔

ممبئی اورحیدرآباد میں ملک کی دوایسی فلم سٹی ہیں، جہاں ساوتھ سے لے کربالی ووڈ تک کئی فلموں کی شوٹنگ ہوتی ہیں۔ آنے والے وقت میں نوئیڈا کو بھی فلم سٹی کی سوغات ملے گی۔ اس پروجیکٹ کا اعلان یوپی کے وزیراعلیٰ یوگی آدتیہ ناتھ نے سال 2020 میں کی تھی۔ اب رپورٹ ہے کہ اکشے کمار سمیت کئی فلمی ہستیاں اس پروجیکٹ میں انویسٹ کرسکتے ہیں۔

رپورٹ کے مطابق، یہ پروجیکٹ تین فیزمیں بن کرتیارہونے والا ہے، جس کے پہلے فیز کے لئے حکومت کی طرف سے ٹینڈرنکالا گیا اوراسی کے لئے اکشے کمار کی کممپنی ’کیپ آف گڈ فلمس‘، بونی کپورکی ’بیویو پروجیکٹ‘، ’کیپ آف گڈ فلمس‘، ’لائنس فلم پرائیویٹ لمیٹیڈ‘ اورٹی سیریزسمیت کئی کمپنیوں نے ٹینڈربھرے ہیں۔

1000 ایکڑمیں بننے والی ہے فلم سٹی

یہ فلم سٹی 1000 ایکڑکے ایریا میں بن کرتیارہونے والا ہے۔ ٹائمس آف انڈیا کی ایک رپورٹ کے مطابق تو 740 ایکڑایریا ایسا ہوگا، جسے فلموں کی شوٹنگ کے لئے رکھا جائے گا۔ اس میں 40 ایکڑکی جگہ میں فلم انسٹی ٹیوٹ بھی ہوگا۔ اس فلم سٹی میں 120 ایکڑ کے ایریا میں امیوجمنٹ پارک بنے گا اور بچی ہوئی 100 ایکڑ کی جگہ کمرشیل استعمال کے کام آئے گا۔ بتایا جا رہا ہے کہ اس میں میڈیا انڈسٹری کے آفس، تھیم پارک، ہوٹل اور ریٹیل اسٹور بھی ہوں گے۔

10 ہزار کروڑ ہے پروجیکٹ کی لاگت

رپورٹ کی مانیں تواس فلم سٹی کو بنانے میں 10 ہزار کروڑ روپئے کا انوسٹمنٹ ہے۔ کہا جا رہا ہے کہ تینوں فیزکا کام سال 2029-2028 تک پورا ہوجائے گا۔ وہیں اسی پروجیکٹ میں انوسٹ کرنے کے لئے اکشے کماراور باقی ہستیوں نے ٹینڈربھرے ہیں۔ یہ فلم سٹی اس لئے بھی خاص ہے، کیونکہ یہ زیورایئرپورٹ سے صرف چارکلو میٹر کی دوری پر بن رہا ہے۔ رپورٹ کے مطابق، فلم سٹی کو پاڈ ٹیکسی کے ذریعہ ایئرپورٹ سے جوڑنے کی بھی تیاری ہے۔

بھارت ایکسپریس۔

Nisar Ahmad