Meta Down:میٹا سرور ڈاؤن؛ فیس بک، انسٹاگرام اور تھریڈ اکاؤنٹس خود لاگ آؤٹ ، یوزر ہورہے ہیں پریشان

میٹا کا سرور منگل کی شام کو ڈاؤن ہو گیا۔ اس دوران فیس بک، انسٹاگرام اور تھریڈ کے صارفین کو کافی پریشانیوں کا سامنا کرنا پڑا۔ اس کا اثر ہندوستان سمیت دنیا کے کئی ممالک میں دیکھا گیا۔ اس دوران صارف کا اکاؤنٹ خود بخود لاگ آؤٹ ہو گیا۔ اس کے بعد انہیں لاگ ان کرنے میں پریشانی کا سامنا ہے۔ کہا جا رہا ہے کہ لوگ لاگ ان کرنے کی کوشش کریں گے تو ان کے میل پر OTP بھیج دیا جائے گا، لیکن ذاتی تفصیلات بھی غلط دکھائی دے رہی ہیں۔ ڈاؤن ڈیٹیکٹر کے مطابق یہ مسئلہ رات 8.30 بجے کے بعد شروع ہوا اور اب تک جاری ہے۔ کمپنی کی جانب سے ابھی تک کوئی بیان جاری نہیں کیا گیا ہے۔ تاہم کچھ آئی فون صارفین کو اس مسئلے کا سامنا نہیں ہے۔

اس دوران لوگ میٹا کے مالک مارک زکر برگ سے مزے لینے میں پیچھے نہ رہے۔ لوگوں نےمارک زکر برگ کی مورف شدہ تصویر شیئر کی۔ اس میں زکربرگ تار کاٹتے ہوئے نظر آ رہے ہیں۔

یہ پہلا موقع نہیں ہے کہ میٹا کمپنی کی ملکیت والے سوشل میڈیا پلیٹ فارم فیس بک اور انسٹاگرام  ڈاؤن ہوا ہے۔ فیس بک پر لوگوں کو پریشانی ہورہی ہے۔

فیس بک اور انسٹاگرام کے اچانک ڈاؤن ہونے سے لاکھوں یوزر پریشان ہیں۔ #facebookdown نے سوشل میڈیا پلیٹ فارم X پر ٹرینڈ کرنا شروع کر دیا ہے۔ صارفین اپنی شکایات کے ساتھ اس حوالے سے مضحکہ خیز ردعمل بھی دے رہے ہیں۔

بھارت ایکسپریس