Theft in BCCI office In Mumbai: بی سی سی آئی کے دفترمیں ہوئی چوری، روزانہ دفترآنے والے شخص نے اڑایا لاکھوں کا مال

بھارتیہ کرکٹ کنٹرول بورڈ (بی سی سی آئی) کے ممبئی واقع وانکھیڑے اسٹیڈیم آفس میں چوری ہوگئی ہے۔ یہ چوری پیسوں کی نہیں، بلکہ آئی پی ایل جرسی کی ہے۔ اس چوری کے پیچھے آفس کے ہی ایک اسٹاف ممبرکا ہاتھ ہے۔ ایک 40 سال کے سیکورٹی گارڈ نے آئی پی ایل 2025 کی جرسی وانکھیڑے اسٹیڈیم میں بی سی سی آئی آفس سے چرائی۔ اس چوری میں فاروق اسلم خان نامی شخ کا نام سامنے آیا ہے، جس نے بی سی سی آئی آفس سے 261 جرسی چوری کی ہیں۔ ایک جرسی کی قیمت تقریباً 2,500  روپئے ہے۔ اس طرح اس شخص نے تقریباً 2.52 لاکھ روپئے کی چوری کی ہے۔

پولیس نے کی چھان بین

بی سی سی آئی دفتر میں چوری پر پولیس کا کہنا ہے کہ فاروق خان آن لائن گیمبلنگ کرتا تھا اور اپنی اس جوئے کی لت کے لئے ہی اس نے یہ آئی پی ایل جرسی چرائی۔ پولیس کو ملی جانکاری کے مطابق، فاروق خان کا رابطہ سوشل میڈیا کے ذریعہ ہریانہ کے ایک آن لائن جرسی ڈیلر سے تھا، جہاں وہ اپنے چوری کئے ہوئے سامان کو کوریئر کے ذریعہ بھیجتا تھا۔

کیسے پکڑی گئی چوری؟

بھارتیہ کرکٹ کنٹرول بورڈ (بی سی سی آئی) کے دفتر میں ہو رہی چوری تب پکڑی گئی، جب اسٹاک آڈٹ ہوا۔ بی سی سی آئی کے افسران نے سی سی ٹی وی فوٹیج چیک کی اور دیکھا کہ فاروق خان ایک بڑا باکس لے کرآفس کے باہرجا رہا ہے۔ پولیس نے اس  معاملے میں ہریانہ کے ڈیلرسے بھی پوچھ گچھ کی، تب ڈیلرکا کہنا ہے کہ اسے نہیں معلوم تھا کہ یہ چوری کا سامان ہے۔ ڈیلرنے بتایا کہ فاروق خان نے اس سے کہا تھا کہ آفس رینوویشن کے دوران وہ اسٹاک کلیئرنس ٹیم کا حصہ ہے۔

ایک لاکھ روپئے سے زیادہ کا سامان برآمد

بی سی سی آئی کے ایک افسر نے 17 جولائی کومرین ڈرائیو پولیس اسٹیشن میں شکایت درج کرائی تھی۔ پولیس نے اب تک 50 جرسی برآمد کرلی ہیں، جن کی قیمت تقریباً 1.25 لاکھ روپئے ہے۔ پولیس نے فاروق خان کے بینک ریکارڈس بھی چھانے، لیکن ملزم کا کہنا ہے کہ اس نے سارے پیسے آن لائن بیٹنگ میں گنوا دیئے۔ پولیس کی ابھی بھی اس معاملے میں چھان بین جاری ہے۔

بھارت ایکسپریس اردو۔