چنئی: ٹی20 ورلڈ کپ 2026 کے سپر-8 مرحلے میں بھارتی ٹیم نے زمبابوے کے خلاف شاندار آغاز کرتے ہوئے ایک نیا ریکارڈ قائم کر دیا۔ بھارت قومی کرکٹ ٹیم نے ایم اے چدمبرم اسٹیڈیم میں کھیلے گئے میچ کے پاور پلے (ابتدائی 6 اوورز) میں ایک وکٹ کے نقصان پر 80 رنز بنا کر تاریخ رقم کر دی، جو ٹی20 ورلڈ کپ میں زمبابوے کے خلاف اب تک کا سب سے بڑا پاور پلے اسکور ہے۔
یہ مجموعی طور پر ٹی20 ورلڈ کپ میں بھارت کا تیسرا سب سے بڑا پاور پلے اسکور بھی ہے۔ اس سے قبل بھارتی ٹیم نمیبیا کے خلاف 86 اور اسکاٹ لینڈ کے خلاف 82 رنز پاور پلے میں بنا چکی ہے، جبکہ 2007 میں نیوزی لینڈ کے خلاف 76 رنز اسکور کیے گئے تھے۔ جمعرات کو ایم اے چدمبرم اسٹیڈیم میں ٹاس ہارنے اور بیٹنگ کا فیصلہ کرنے کے بعد، ہندوستان نے مقررہ اوورز میں 4 وکٹوں کے نقصان پر 256 رنز بنائے۔ ابھیشیک شرما اور سنجو سیمسن کی اوپننگ جوڑی نے ہندوستان کو مضبوط آغاز فراہم کیا۔
دونوں کھلاڑیوں نے 3.4 اوورز میں 48 رنز جوڑے۔ سنجو 15 گیندوں پر 2 چھکوں اور 1 چوکے کی مدد سے 24 رنز بنا کر آؤٹ ہوئے۔ اس کے بعد ایشان کشن نے دوسری وکٹ کے لیے ابھیشیک شرما کے ساتھ 42 گیندوں میں 72 رنز جوڑے۔ ایشان نے شاندار بلے بازی کرتے ہوئے 24 گیندوں میں 5 چوکوں کی مدد سے 38 رنز بنائے جس کے بعد ابھیشیک نے کپتان سوریہ کمار یادیو کے ساتھ تیسری وکٹ کے لیے 30 رنز جوڑے۔ ابھیشیک 30 گیندوں میں 4 چھکوں اور اتنے ہی چوکوں کی مدد سے 55 رنز بنانے کے بعد پویلین لوٹ گئے جب کہ کپتان سوریا نے 13 گیندوں میں 5 چوکوں کی مدد سے 33 رنز بنائے۔
تلک ورما نے ہاردک پانڈیا کے ساتھ مل کر پانچویں وکٹ کے لیے 31 گیندوں میں 84 رنز کی ناقابل شکست شراکت داری بنا کر ہندوستان کو 256 کے اسکور تک پہنچایا جو کہ ٹی 20 ورلڈ کپ میں ٹیم انڈیا کا سب سے بڑا اسکور بھی ہے۔ اس سے قبل ہندوستان نے 2007 میں انگلینڈ کے خلاف 4 وکٹوں کے نقصان پر 218 رنز بنائے تھے۔ پانڈیا 23 گیندوں پر 4 چھکے اور 2 چوکے لگا کر 50 رنز بنا کر ناٹ آؤٹ رہے، جب کہ تلک ورما 16 گیندوں پر 4 چھکوں اور 3 چوکوں کی مدد سے 44 رنز بنا کر ناٹ آؤٹ رہے۔
انڈیا کی پلیئنگ الیون: سنجو سیمسن (وکٹ کیپر)، ابھیشیک شرما، ایشان کشن، سوریہ کمار یادیو (کپتان)، تلک ورما، ہاردک پانڈیا، شیوم دوبے، اکشر پٹیل، ارشدیپ سنگھ، ورون چکرورتی، اور جسپریت بمراہ۔
زمبابوے کی پلیئنگ الیون: تادیواناشے مارومانی (وکٹ کیپر)، برائن بینیٹ، ڈیون مائرز، ریان برل، سکندر رضا (کپتان)، ٹونی منیونگا، تشنگا موسیکیوا، بریڈ ایونز، ٹینوٹینڈا ماپوسا، بلیسنگ مزارابانی، اور رچرڈ نگروا۔
بھارت ایکسپریس۔
وزیر اعظم مودی نے کہا کہ عالمی کھیلوں کے میدان میں ہندوستان کی شناخت مسلسل…
وزیر اعظم کے مجوزہ بہار دورے اور پروگرام کی تیاریوں کے سلسلے میں جمعرات کو…
ڈاکٹر کا الزام ہے کہ فلیٹ میں اتولیا سمیت 12 افراد موجود تھے۔ جیسے ہی…
نیپال کے دارالحکومت کھٹمنڈو میں جمعرات کے روز بھارت کے خارجہ سکریٹری وکرم مسری نے…
یو پی ایس سی نے واضح کیا ہے کہ انٹرویو کی تاریخ یا وقت میں…
وزیراعظم مودی کے نام لکھے گئے خط میں ماہر تعلیم اور ممتاز دانشور پروفیسر اخترالواسع…