IND vs NZ: وانکھیڑے اسٹیڈیم کے شیر ثابت ہوئے شبمن گل، لیکن نیوزی لینڈ کے خلاف پہلی سنچری بنانے سے چوک گئے

 وانکھیڑے اسٹیڈیم میں جہاں پچ پر کھیل کے پہلے ہی دن سے اسپنروں کو مدد مل رہی تھی، اس مشکل پچ پر ہندوستانی اوپنر شبمن گل نے جس طرح کی اننگز کھیلی اس کی تعریف کی جائے وہ کم ہے ۔ اس میچ میں شبمن گل نے ہندوستان کے لیے ایک اہم اننگز کھیلی، لیکن وہ سنچری سے محروم رہے، جس کے وہ حقدار تھے۔ شبمن گل کے علاوہ رشبھ پنت نے بھی کیوی ٹیم کے خلاف اپنا دم  دکھایا اور نصف سنچری (60 رنز) بنانے میں کامیابی حاصل کی۔

نیوزی لینڈ کے خلاف سنچری بنانے سے چوک گئے شبمن گل

ممبئی ٹیسٹ کی پہلی اننگز میں شاندار بلے بازی کرنے والے شبمن گل کو اعجاز پٹیل نے کیچ آؤٹ کیا۔ انہوں نے اس اننگز میں بھارت کی جانب سے شاندار 90 رنز بنائے اور اس دوران انہوں نے 146 گیندوں کا سامنا کیا اور ایک چھکا اور 7 چوکے بھی لگائے۔ اگر شبمن گل اپنی سنچری مکمل کر لیتے تو یہ نیوزی لینڈ ٹیم کے خلاف ان کے ٹیسٹ کرکٹ کیریئر کی پہلی سنچری ہوتی اور ان کے مجموعی ٹیسٹ کرکٹ کیریئر کی چھٹی سنچری بھی ہوتی۔

یہ نیوزی لینڈ کے خلاف ٹیسٹ فارمیٹ میں شبمن گل کا اب تک کا بہترین اسکور بھی ثابت ہوا۔ شبمن گل اپنے ٹیسٹ کرکٹ کیرئیر میں تیسری بار 90 کے اسکور پر آؤٹ ہوئے۔ بھارت کی جانب سے پہلی اننگز میں وراٹ کوہلی 4 رنز بنا کر آؤٹ ہوئے، روہت شرما 18 رنز بنا کر اور سرفراز خان صفر پر آؤٹ ہوئے۔ یشسوی جیسوال نے پہلی اننگز میں 30 رنز بنائے، جب کہ رویندرا جدیجا نے 14 رنز کا تعاون دیا۔

شبمن گل کے ساتھ  ایسا  چوتھی بار ہوا ہے

ہندوستان کی طرف سے 25 سال کی عمر میں بین الاقوامی کرکٹ میں سب سے زیادہ بار نائن ٹیز پر آؤٹ ہونے کے معاملے پر شبمن گل نے وراٹ کوہلی کی برابری کرلی ، اس عمر میں وراٹ کوہلی چار بار نائن ٹیز پر آؤٹ ہوئے تھے اور  شبمن گل کے ساتھ  ایسا  چوتھی بار ہوا ہے ، 25 سال کی عمر میں سب سے زیادہ بار نائن ٹیز پر آؤٹ ہونے والے کھلاڑی رشبھ پنٹ ہیں ،ان کے ساتھ 6 بار  ایساہو چکا ہے۔

25 سال کی عمر میں ہندوستان کے لیے بین الاقوامی میچوں میں سب سے زیادہ نائنٹیز پر آؤٹ ہونے والے  کھلاڑی

6 – رشبھ پنت

5 – سچن تندولکر

5 – راہول ڈریوڈ

4 – وراٹ کوہلی

4 – شبھمن گل

بھارت ایکسپریس