مشیرخان کی سنچری کے بعد نمن تیواری اورسوامی پانڈے کی خطرناک گیندبازی سے ہندوستان نے انڈر-19 ورلڈ کپ کے گروپ اے میچ میں جمعرات کو یہاں آئرلینڈ کو 201 رنوں سے روند کرمسلسل دوسری جیت درج کی۔ ہندوستان کے 302 رنوں کے ہدف کا تعاقب کرتے ہوئے آئرلینڈ کی ٹیم بائیں ہاتھ کے تیز گیند باز نمن تیواری (53 رنوں پر 4 وکٹ) اور بائیں ہاتھ کے اسپنر سوامی پانڈے (21 رنوں پر تین وکٹ) کی عمدہ گیند بازی کے سامنے 29.3 اوور میں صرف 100 رنوں پرڈھیرہوگئی۔
آئرلینڈ کی طرف سے 10ویں نمبرپر بلے بازی کرنے ڈینیل فورکن نے سب سے زیادہ ناٹ آوٹ 27 رن بنائے۔ ٹیم نے 45 رنوں تک ہی 8 وکٹ گنوا دیئے تھے اور اس کی شکست کا فرق مزید بڑا ہوسکتا تھا، لیکن فورکن نے اولویرریلی کے ساتھ 9 ویں وکٹ کے لئے 39 اور لٹون (07) کے ساتھ آخری وکٹ کے لئے 16 رن جوڑکر ٹیم کا اسکورتین ہندسوں تک پہنچایا۔
ڈینیل فورکن اوراولویرریلی کے علاوہ دونوں سلامی بلے باز جورڈن نیل (11) اور ریان ہنٹر (13) ہی ڈبل ہندسوں تک پہنچ پائے۔ اس سے پہلے ہندوستان نے مشیرخان کے 118 رن اورکپتان ادے سہاران (84 گیندوں میں 75 رن) کے ساتھ ان کی 156 رنوں کی شراکت سے 7 وکٹ پر 301 رن بنائے۔ ہندوستان نے اپنے پہلے میچ میں بنگلہ دیش کو 84 رنوں سے ہرایا تھا۔
بھارت ایکسپریس۔
آر سی بی کے ساتھ شاندار سیزن گزارنے کے بعد گریس ہیرس یوپی واریئرز میں…
شیفالی ورما نے محض 26 گیندوں پر اپنی نصف سنچری مکمل کرکے بھارتی خواتین ون…
دسمبر 2030 تک نیا ٹرمینل تیار کرنے کا منصوبہ، سالانہ 2 کروڑ مسافروں کو سنبھالنے…
وکلا کے ایک گروپ نے جسٹس اجے بھنوٹ کی عدالت میں ہنگامہ آرائی کی اور…
جامعہ ملیہ اسلامیہ میں طلبا کا احتجاج 17ویں روز بھی جاری رہا۔ کیمپس کے قرب…
انڈمان و نکوبار جزائر کی انتظامیہ نے ایک اہم قدم اٹھایا ہے۔ مرکز کے زیر…