India-England Test Series: انڈیا- انگلینڈ ٹیسٹ سیریز کے پہلے میچ میں بمراہ کی شاندار کارکردگی، انگلینڈ 465 رنز پر آل آؤٹ، بھارت کو 6 رنوں کی معمولی کی سبقت

انگلینڈ کے خلاف پہلے ٹیسٹ کے تیسرے دن اتوار کے روز تیز گیند باز جسپریت بمراہ کی تباہ کن بولنگ کے باعث بھارت نے انگلینڈ کو پہلی اننگز میں 465 رنز پر ڈھیر کر دیا۔ بھارت نے اپنی پہلی اننگز میں 471 رنز بنائے تھے، جس سے اسے 6 رنز کی معمولی سبقت ملی۔

گیند بازوں کی بہترین کارکردگی

بمراہ نے 83 رنز دے کر 5 وکٹیں لیں، جب کہ پرسدھ کرشنا نے 20 اوور میں 128 رنز دے کر 3 وکٹیں حاصل کیں اور محمد سراج نے 27 اوور میں 122 رنز دے کر 2 کھلاڑی آؤٹ کیے۔

انگلینڈ کے بلے بازوں نے خوب کی مزاحمت

انگلینڈ نے تیسرے دن اپنی اننگز 209/3 سے آگے شروع کی اور لنچ تک اسکور 327/5 تک پہنچا دیا۔ دوسرے سیشن میں پوری ٹیم 465 رنز پر آؤٹ ہو گئی۔ چائے کے وقفے سے قبل ہی نو وکٹیں گرنے کے باعث سیشن کو بڑھا دیا گیا۔ آخری وکٹ بمراہ نے لے کر انگلینڈ کی اننگز سمیٹ دی۔

ہیری بروک ایک رن سے سنچری سے محروم

ہیری بروک 112 گیندوں پر 11 چوکوں اور 2 چھکوں کی مدد سے 99 رنز بنا کر پرسدھ کرشنا کا شکار بنے۔ کرشنا نے صبح کے سیشن میں سنچری بنانے والے اولی پوپ کو بھی آؤٹ کیا، جنہوں نے 106 رنز بنائے۔ وکٹ کیپر جیمی اسمتھ 40 رنز بنا کر کرشنا کا تیسرا شکار بنے۔ سراج نے انگلینڈ کے کپتان بین اسٹوکس اور برائیڈن کارز کو آؤٹ کیا۔ بین اسٹوکس محمد سراج کی گیند پر وکٹ کے پیچھے کیچ آؤٹ ہوئے۔ انہوں نے 52 گیندوں پر صرف 20 رنز بنائے اور اپنی خراب فارم پر مایوسی میں بلا ہوا میں اچھال دیا۔ بُمرہ نے کرس ووکس اور جوش ٹنگ کو بولڈ کر کے انگلینڈ کی اننگز کا اختتام کیا۔ ووکس نے 38 اور ٹنگ نے 11 رنز بنائے۔

بمراہ کا تاریخی کارنامہ

اس میچ میں پانچ وکٹیں لینے کے ساتھ بمراہ نے ایک نیا ریکارڈ قائم کیا۔ وہ SENA  ممالک (جنوبی افریقہ، انگلینڈ، نیوزی لینڈ، آسٹریلیا) میں 150 ٹیسٹ وکٹیں لینے والے پہلے ایشین فاسٹ بولر بن گئے ہیں۔ اس کامیابی نے ان کی بین الاقوامی فوقیت کو مزید مضبوط کیا۔

بمراہ نے اس اننگز میں 24.4 اوورز کیے، 83 رنز دیے اور 5 وکٹیں حاصل کیں۔ انہوں نے پہلے ہی اوور میں زیک کراؤلی کو آؤٹ کر کے بھارت کو شاندار آغاز دلایا، پھر بین ڈکیٹ اور جو روٹ کو بھی پویلین واپس بھیجا (روٹ کو بمراہ نے ٹیسٹ میں دسویں بار آؤٹ کیا)۔ بعد ازاں کرس ووکس اور جوش ٹنگ کو کلین بولڈ کر کے اننگز ختم کی۔

کپِل دیو کے ریکارڈ کی برابری

بمرہ نے لِیڈز ٹیسٹ میں 5 وکٹیں لے کر صرف انگلینڈ کی بیٹنگ لائن ہی نہیں گرائی، بلکہ SENA  ممالک میں سب سے زیادہ مرتبہ پانچ وکٹیں لینے والے ایشیائی بولرز میں مشترکہ طور پر دوسرے نمبر پر پہنچ گئے ہیں۔ انہوں نے یہ کارنامہ دسویں بار انجام دیا۔ غیر ملکی سرزمین پر بھارت کے لیے سب سے زیادہ پانچ وکٹیں لینے کی بات کی جائے تو بمراہ نے 64 اننگز میں 12 بار پانچ وکٹیں حاصل کی ہیں، جو کہ کپِل دیو (108 اننگز میں 12 بار) کے برابر ہے۔

بھارت ایکسپریس اردو۔