Heatwave: ابھی سے ستانے لگی گرمی خدا خیر کرے، کئی مقامات پر درجہ حرارت 35 ڈگری سے تجاوز کر گیا

 Heatwave: دہلی سمیت  شمالی ہندوستان کی کئی ریاستوں میں فروری کے مہینے  میں ہی گرمی نے اپنا ستم  برپا کررہی ہے ۔ اطلاعات کے مطابق محکمہ موسمیات تقریبا ایک مہینے پہلے سے ہی ہیٹ ویو کی وارننگ دے چکا ہے۔ جس کی وجہ سے ایسا اندازہ لگایا جارہا ہے کہ اس سال کم بارش ہوگی۔

محکمہ موسمیات سے موصولہ اطلاعات کے مطابق منگل 21 فروری کو دارالحکومت میں زیادہ سے زیادہ درجہ حرارت 33 ڈگری سینٹی گریڈ اور کم سے کم درجہ حرارت 14 ڈگری سینٹی گریڈ رہنے کا امکان ہے۔ دوسری جانب کل یعنی 20 فروری کو دارالحکومت کا زیادہ سے زیادہ درجہ حرارت معمول سے نو ڈگری زیادہ یعنی 33.6 ڈگری سیلسیس ریکارڈ کیا گیا اور یہ دن 1969 کے بعد فروری کا تیسرا گرم ترین دن تھا۔ 20 فروری کو دہلی کا زیادہ سے زیادہ درجہ حرارت معمول سے نو ڈگری زیادہ تھا۔

آج (منگل) ملک کی راجدھانی دہلی میں کم سے کم درجہ حرارت 14 اور زیادہ سے زیادہ 31 ڈگری ریکارڈ کیا جا سکتا ہے۔ وہیں محکمہ موسمیات کے مطابق دہلی میں آج آسمان صاف رہنے کی امید ہے۔ تاہم 22 فروری سے 26 فروری تک دہلی میں جزوی طور پر ابر آلود ہو سکتا ہے۔ ساتھ ہی، ان دنوں زیادہ سے زیادہ درجہ حرارت 30 سے ​​31 ڈگری کے درمیان رہے گا۔

بڑھتی ہوئی گرمی کے درمیان بارش کا الرٹ

محکمہ موسمیات کے مطابق 21 اور 23 فروری کے درمیان شمال مشرقی ہندوستان کے علاقوں میں شدید بارش کے امکانات ہیں۔ اروناچل پردیش میں 21 اور 22 فروری کو زبردست بارش ہوسکتی ہے۔ اروناچل کے علاوہ شمال مشرق میں تیز ہواؤں کی توقع ہے۔ آسام، میگھالیہ، ناگالینڈ اور منی پور میں تیز گرج چمک کے ساتھ بارش ہو سکتی ہے۔ اس کے علاوہ مغربی ہمالیائی علاقوں میں ہلکی بارش یا برف باری دیکھی جا سکتی ہے۔ اس کے ساتھ ساتھ شمالی پنجاب کے کچھ علاقوں میں بھی ہلکی بارش ہو سکتی ہے۔
 گجرات میں شدید گرمی
انڈیا میٹرولوجیکل ڈپارٹمنٹ (آئی ایم ڈی) کے مطابق گجرات کے کچھ علاقوں میں اگلے 24 گھنٹوں کے دوران گرمی کی لہر برقرار رہنے کا امکان ہے۔ حکام نے واضح کیا کہ ان علاقوں کے لیے سب سے پہلے ہیٹ ویو الرٹ جاری کیا گیا تھا۔