National Investigation Agency: گینگسٹردہشت گرد گٹھ جوڑ پربڑی کارروائی، ملک کی کئی ریاستوں میں این آئی اے کے چھاپے، 70 سے زیادہ مقامات پر چھاپے

National Investigation Agency: گینگسٹر-دہشت گرد گٹھ جوڑ پر بڑی کارروائی کرتے ہوئے، قومی تحقیقاتی ایجنسی (این آئی اے) نے ملک کی کئی ریاستوں میں چھاپے مارے ہیں۔ این آئی اے کی ٹیمیں پنجاب، ہریانہ، راجستھان، دہلی، چندی گڑھ، یوپی، گجرات، ایم پی میں 70 سے زیادہ مقامات پر بیک وقت چھاپے مار رہی ہیں۔ گینگسٹر اور دہشت گرد گٹھ جوڑ کو توڑنے کے لیے چھ ماہ کے دوران ملک کے کئی حصوں میں این آئی اے کا یہ چوتھا بڑا چھاپہ ہے۔ یہ پوری کارروائی این آئی اے نے بدمعاشوں اور ان کے مجرمانہ سنڈیکیٹ کے خلاف درج مقدمات کے سلسلے میں کی ہے۔ این آئی اے کی طرف سے لارنس بشنوئی گینگ سے گزشتہ 3 ماہ میں کی گئی پوچھ گچھ کی بنیاد پر چھاپے مارے جا رہے ہیں۔

اس کے علاوہ پنجاب میں سرگرم مختلف گروہوں کے گرگہوں  پر این آئی اے کے چھاپے مارے جا رہے ہیں۔ این آئی اے کے آج کے چھاپے کا مقصد یہ معلوم کرنا ہے کہ بدمعاشوں کو ہتھیار کہاں سے مل رہے ہیں۔ بڑے گینگسٹر سنڈیکیٹس جہاں یہ چھاپے مارے جارہے ہیں ان میں لارنس بشنوئی گینگ، کالا جتھیڑی گینگ اور نیرج بوانا گینگ شامل ہیں۔ گجرات کے گاندھی دھام میں لارنس بشنوئی کے ساتھی کلوندر پر NIA کا چھاپہ جاری ہے۔اطلاعات کے مطابق  کلوندر طویل عرصے سے گینگسٹر لارنس بشنوئی کے ساتھ جڑے ہوئے ہیں۔ اس سے قبل بھی یہاں بشنوئی گینگ کے لوگوں کو پناہ دینے کے معاملے سامنے آئے تھے۔ بتایا جاتا ہے کہ کلوندر کا تعلق انٹرنیشنل ڈرگ سنڈیکیٹ سے بھی ہے۔