علاقائی

UP News: ایڈمٹ کارڈ لینے اسکول گئی طالبہ ، گھر نہ لوٹی، سات دن بعد نہر سے لاش برآمد، ہنگامہ برپا

UP News: یوپی کے شراوستی ضلع سے ایک سنسنی خیز معاملہ سامنے آیا ہے۔ گھر سے دو کلومیٹر دور واقع اسکول میں انٹر کا پرچہ دینے کے لیے ایڈمٹ کارڈ لینے گئی 17 سالہ طالبہ کی لاش نہر میں تیرتی ہوئی ملی۔ لواحقین کا الزام ہے کہ کسی نے ان کی بیٹی کو اغوا کر کے قتل کیا اور لاش نہر میں پھینک دی۔

یہ معاملہ شراوستی ضلع کے بھنگا کوتوالی علاقے کے گاؤں ریوالیہ سے متعلق ہے۔ موصولہ اطلاعات کے مطابق 7 فروری کو طالبہ گھر سے 2 کلومیٹر دور جے آر وی انٹر کالج میں ایڈمٹ کارڈ لینے کے لیے صبح 10 بجے نکلی تھی۔ لیکن اس کے بعد وہ واپس نہیں لوٹی۔ طالبہ انٹرمیڈیٹ میں پڑھتی تھی اور اس بار اسے انٹرمیڈیٹ کا امتحان دینا تھا۔ طالبہ ایڈمٹ کارڈ لے کر گھر نہ پہنچی اور مشکوک حالات میں غائب ہوگئی، جس کے بعد لواحقین نے کافی تفتیش بھی کی تاہم لڑکی نہ ملنے پر اغوا کی رپورٹ درج کرادی گئی۔ اس کے بعد پولیس نے تفتیش شروع کی لیکن 14 فروری تک پولیس کو کوئی کامیابی نہیں ملی۔

یہ بھی پڑھیں- Bharat Jodo Yatra: راہل گاندھی کے ساتھ بھارت جوڑو یاترا میں شامل ہوئے فاروق عبداللہ، پرینکا-راہل سے گلے مل کر لٹایا پیار

نہر سے لاش برآمد

منگل کو ہی پولیس کو اطلاع ملی کہ گلولا تھانہ علاقہ کے بھوساوا گاؤں کے نزدیک ایک نہر میں ایک لاش تیر رہی ہے۔ اس کے بعد پولیس موقع پر پہنچی اور لاش کو باہر نکالا۔ لاش کو باہر نکالنے کے بعد جب اس کی شناخت کی گئی تو یہ لاپتہ طالبہ کی لاش نکلی۔ اس کے بعد لڑکی کے گھر والوں سمیت پورے گاؤں میں ہنگامہ مچ گیا۔ پولیس نے معاملے کی تفتیش شروع کر دی۔

اس پورے معاملے میں متوفی طالبہ کے والد نے الزام لگایا کہ ان کی بیٹی کو کسی نے اغوا کرکے قتل کیا اور اس کی لاش کو نہر میں پھینک دیا۔ فی الحال پولیس اس پورے معاملے میں ہر پہلو سے جانچ کر رہی ہے۔

-بھارت ایکسپریس

Bharat Express

Recent Posts

PM Modi Condolence: یوگی آدتیہ ناتھ کو والدہ کے انتقال کا صدمہ، وزیر اعظم مودی نے فون کرکے تعزیت کی

وزیر اعلیٰ یوگی آدتیہ ناتھ کی والدہ ساوتری دیوی کا 91 سال کی عمر میں…

27 minutes ago

Giriraj Singh on PM Modi Bihar Visit: بہار پوروانچل کا گیٹ وے، وزیر اعظم نریندر مودی کی آمد سے ترقی کو ملیں گے نئے پر: گری راج سنگھ

مرکزی وزیر گری راج سنگھ نے وزیر اعظم نریندر مودی کے دورۂ بہار کو ریاست…

31 minutes ago

INDIA bloc on Azam Khan’s Remark: اعظم خان کے ’بریانی‘ والے بیان پر انڈیا اتحاد متحد، اویسی کو آئینہ دکھانے کا دعویٰ

فخر الحسن چاند نے کہا کہ جو لوگ اعظم خان کے ہمدرد ہونے کا دعویٰ…

45 minutes ago

LAKHPATI DIDI: وزیر اعظم نریندر مودی کی پہل سے خواتین کی زندگی میں آئی خوشحالی، کوروا کی خواتین لکھ پتی بن کر رقم کر رہی ہیں تاریخ

چھتیس گڑھ کے ضلع بلرام پور کے پہاڑی کوروا اکثریتی گاؤں پتراپارہ کی 108 خواتین…

48 minutes ago