Maharashtra Politics: اب مہاراشٹر کے اسپیکر کے فیصلے کے خلاف ایکناتھ شندے گروپ پہنچا عدالت، ایم ایل اے کی نااہلی کا ہے معاملہ

Maharashtra Politics: مہاراشٹر کے وزیر اعلی ایکناتھ شندے اور سابق وزیر اعلی ادھو ٹھاکرے کا گروپ ایک بار پھر عدالت پہنچ گیا ہے۔ دونوں گروپوں نے مہاراشٹر اسمبلی کے اسپیکر راہل نارویکر کے ایم ایل اے کی نااہلی کی درخواست کو مسترد کرنے کے فیصلے کو چیلنج کیا ہے۔

ایکناتھ شندے کی شیو سینا نے پیر (15 جنوری) کو راہل نارویکر کے فیصلے کو بمبئی ہائی کورٹ میں چیلنج کیا ہے۔ ادھو ٹھاکرے گروپ نے سپریم کورٹ سے رجوع کیا ہے۔

درحقیقت ایک دوسرے کے ایم ایل اے کو نااہل قرار دینے کی عرضی پر فیصلہ سناتے ہوئے راہل نارویکر نے کہا تھا کہ ایکناتھ شندے کی شیوسینا ہی اصل شیو سینا ہے۔ الیکشن کمیشن نے اسے تسلیم کر لیا ہے۔

راہل نارویکر نے کیا کہا؟

راہل نارویکر نے بدھ کو کہا تھا، ’’میرے سامنے سب سے بڑا سوال یہ ہے کہ اصل شیو سینا کون ہے‘‘۔ الیکشن کمیشن نے کہا کہ اصل شیو سینا ایکناتھ شندے کی شیو سینا ہے۔ ایسے میں ٹھاکرے دھڑے کی جانب سے شندے سمیت حکمران کیمپ کے 16 ایم ایل ایز کو نااہل قرار دینے کی درخواست مسترد کردی گئی ہے۔

یہ بھی پڑھیں- Munawwar Rana passes away: منور رانا کے انتقال پر پی ایم مودی،ملکارجن کھرگے اور اکھلیش یادو نے دکھ اور تعزیت کا کیااظہار

ان کے نام- سی ایم ایکناتھ شندے، وزیر صحت ڈاکٹر تانا جی ساونت، وزیر روزگار سندیپان راؤ بھمرے، اقلیتی ترقی کے وزیر عبدالستار، بھرت گوگاولے، سنجے شرساٹ اور یامنی جادھو، انل بھاؤ بابر، ڈاکٹر کنیکر بالاجی پرہلاد، پرکاش سروے، مہیش شندے، لتا سون ونے، چمن راؤ روپ چند پاٹل، رمیش بورنارے، ڈاکٹر سنجے رئمولکر اور بالاجی کلیانکر ہیں۔

نارویکر نے ادھو ٹھاکرے گروپ کے کسی ایم ایل اے کو بھی نااہل نہیں کیا تھا۔

-بھارت ایکسپریس