I.N.D.I.A Alliance Collapse: انڈیا اتحاد ختم ہوچکا ہے ،پرکاش امبیڈکر کا سنجے راوت کے سامنے بڑا بیان

ونچیت بہوجن اگھاڑی لیڈرپرکاش امبیڈکر نے حیران کن بیان دیتے ہوئے کہا کہ اب انڈیا اتحاد ختم ہو گیا ہے۔ سنجے راوت اور نانا پٹولے کی موجودگی میں پرکاش امبیڈکر نے کہا، “انڈیا اتحاد تقریباً ختم ہو چکا ہے۔ ہم اس اتحاد میں پھونک پھونک کر قدم رکھیں گے۔”

جب پرکاش امبیڈکر یہ بیان دے رہے تھے تو سنجے راوت اور نانا پٹولے ان کے ساتھ کھڑے تھے۔ یہ دونوں لیڈر پرکاش امبیڈکر کو ٹرائیڈنٹ ہوٹل سے ڈراپ کرنے آئے تھے، جب پرکاش امبیڈکر نے اتحاد کو لے کر یہ بیان دیا۔

سنجے راوت نے کہا- اتحاد ہے مضبوط

انہوں نے کہا کہ انڈیا اتحاد کے آخری مضبوط پارٹنر اکھلیش یادو نے بھی علیحدگی اختیار کر لی ہے۔ ممتا بنرجی اور عام آدمی پارٹی پہلے ہی سے الگ  ہیں۔ تاہم صورتحال کو سنبھالنے کے لیے سنجے راوت نے کہا کہ اتحاد میں سب کچھ ٹھیک ہے۔ اتحاد مضبوط ہے۔

پرکاش امبیڈکر نے ایم وی اے میں سیٹ شیئرنگ کے بارے میں کیا کہا؟

دراصل، وہ ایم وی اے میٹنگ میں شرکت کے لیے ٹرائیڈنٹ ہوٹل پہنچے تھے۔ میٹنگ ختم ہونے کے بعد انہوں نے کہا کہ مہاوکاس اگھاڑی اور میرے درمیان سیٹ شیئرنگ کے بارے میں آج کوئی بات چیت نہیں ہوئی۔ پہلے ایک مشترکہ کم از کم پروگرام طے کیا جائے۔ اس کے بعد نشستوں کی تقسیم پر بات ہوگی۔