Karauli Road Accident Rajasthan: راجستھان کے کرولی میں بس اور کار میں تصادم، 5 افراد ہلاک، 14 سے زائدافراد زخمی

 راجستھان کے کرولی میں بدھ کی صبح بس اور کار کے درمیان خوفناک تصادم ہوا ہے۔ اس حادثے میں کارمیں سوار 5 لوگوں کی موت ہو گئی ہے۔ جب کہ بس میں سوار  ک15 مسافر بھی زخمی ہوئے ہیں۔ زخمیوں کو اسپتال میں داخل کیا گیا ہے، اس واقعہ کے بعد علاقے میں افراتفری مچ گئی۔ لوگوں کی بڑی تعداد  جائے حادثہ پرجمع ہو گئی۔

کرولی میں سڑک حادثہ کا یہ واقعہ اتنا شدید تھا کہ کار کے ٹکڑے ٹکڑے ہو گئے۔ واقعہ کی اطلاع ملتے ہی مقامی پولیس کی ٹیم موقع پر پہنچ گئی۔ پولیس ٹیم نے مقامی لوگوں کی مدد سے زخمیوں کو قریبی اسپتال میں داخل کرایا۔ اسپتال میں زخمیوں کا علاج جاری ہے۔ پولیس نے ہلاک افراد کی لاشیں پوسٹ مارٹم کے لیے مردہ خانے بھجوا دیں۔ اس کے علاوہ پولیس واقعے کی تحقیقات کر رہی ہے۔

جاں بحق ہونے والے تمام افراد کا تعلق ایک ہی خاندان سے تھا

کرولی ضلع اسپتال کے چیف میڈیکل آفیسر رمیش مینا نے کہا، “کرولی گنگاپور روڈ پر کار اور بس کے درمیان تصادم میں 5 افراد کی موت ہوگئی۔ تمام مرنے والوں کا تعلق ایک ہی خاندان سے ہے۔ پولیس کو موصول ہونے والی اطلاع کے مطابق، وہ کیلا دیوی میں درشن کر واپش لوٹ رہے تھے ۔

بھارت ایکسپریس