Prime Minister Narendra Modi: گاؤں جتنے خوشحال ہوں گے، ملک اتنا ہی ترقی یافتہ ہوگا: پی ایم مودی

 وزیر اعظم نریندر مودی ہفتہ کو پرگتی میدان کے بھارت منڈپم میں گرامین بھارت مہوتسو (رورل انڈیا فیسٹیول) 2025 کا افتتاح کیا۔ اس موقع پر مودی وہاں موجود اجتماع سے خطاب بھی کیا۔ پی ایم مودی نے اس مہوتسو کو معیشت کے لیے کافی فائدے مند  بتایا ہے۔ پی ایم مودی نے سوشل میڈیا پلیٹ فارم ایکس پوسٹ میں لکھا، ’’ہمارے گاؤں جتنے زیادہ خوشحال ہوں گے، ترقی یافتہ ہندوستان کے وژن کو عملی جامہ پہنانے میں ان کا کردار نمایاں طور پر بڑھے گا۔ اس سلسلے میں  دہلی میں دیہی ہندوستان مہوتسو کا آغاز میرے ذریعہ کیا جارہا ہے یہ میری خوش قسمتی ہے۔

یہ مہوتسو دیہی معیشت کے لیے بہت شاندار ثابت ہو گا۔‘‘ دیہی ہندوستان کے کاروباری جذبے اور ثقافتی ورثے کا جشن مناتے ہوئے یہ میلہ 4 سے 9 جنوری تک جاری رہے گا۔ اس کی تھیم ہے ’’ایک ترقی یافتہ ہندوستان 2047 کے لیے ایک جامع دیہی ہندوستان کی تعمیر‘‘ ہے اور نعرہ بھی ہے ’’اگر گاؤں بڑھتا ہے تو دیش بڑھتا ہے‘‘۔ مہوتسو کا مقصد دیہی انفراسٹرکچر کو بڑھانا، معیشت کو خود مختار بنانا اور مختلف ورکشاپس اور کارکردگی کے ذریعے دیہی کمیونٹیز میں ان کے ہنر کو فروغ دینا ہے۔ اس کے مقاصد میں شمال مشرقی ہندوستان پر خصوصی توجہ کے ساتھ مالی شمولیت اور پائیدار زرعی طریقوں کو اپنانے پر توجہ مرکوز کرتے ہوئے دیہی آبادی میں معاشی استحکام اور مالی تحفظ کو فروغ دینا شامل ہے۔

خواتین کو بااختیار بنانا

مہوتسو (تقریب) کی ایک اہم توجہ دیہی خواتین کو انٹرپرینیورشپ کے ذریعے بااختیار بنانا ہے۔ باہمی تعاون پر مبنی اور اجتماعی دیہی تبدیلی کی منصوبہ بندی کے لیے مختلف شعبوں سے تعلق رکھنے والے سرکاری افسران، مفکرین، دیہی صنعت کاروں، کاریگروں اور اسٹیک ہولڈرز کو ایک اسٹیج پر جمع  کرنا؛ دیہی معاش کو بڑھانے کے لیے ٹیکنالوجی اور جدید طریقوں سے فائدہ اٹھانے کے بارے میں بتانا اور ان  کی حوصلہ افزائی کرنا؛ اور ہندوستان کے بھرپور ثقافتی ورثے کو لائیو پرفارمنس اور نمائش کے ذریعے واضح  کرنا۔

3 جنوری کو پی ایم مودی نے دہلی کے لوگوں کو 4500 کروڑ روپے کے کئی پروجیکٹ گفٹ کیے تھے۔ اس دوران پی ایم مودی نے کچی آبادیوں میں رہنے والے لوگوں کو نئے فلیٹ  کا تحفہ دیا تھا۔