راہل گاندھی نے بھارت جوڑو یاترا میں کی سائیکل کی سواری

کانگریس کی ‘بھارت جوڑو یاترا’، جو کنیا کماری سے شروع ہوئی، اس وقت مدھیہ پردیش میں ہے۔ مدھیہ پردیش میں کانگریس کی یہ پد یاترا ابھی جاری ہے۔ یاتریوں نے اتوار کو اندور میں رات آرام کیا تھا۔ کانگریس کے سابق صدر راہل گاندھی کی قیادت میں پد یاترا پیر کی صبح اندور سے اجین کی طرف روانہ ہوئی۔ راستے میں ایک سائیکل سوار بھی یاترا میں شامل ہو گیا۔ اس دوران راہل گاندھی نے کچھ دیر سائیکل بھی چلائی۔ اس سے پہلے ہفتے کے روز  انہیں  بلیٹ چلاتے ہوئے دیکھا گیا تھا۔

پیر کے روز، راہل کی قیادت میں سینکڑوں پیدل چلنے والوں کا ایک کارواں طلوع آفتاب کے بعد اندور کے بڈا گنپتی چوک سے اجین کی طرف بڑھا۔ اندور میں پیر کی صبح بھارت جوڈو یاترا اپنی آگے کی منزل کے لئے بڑھی۔ کانگریس کے اعلان کردہ پروگرام کے مطابق، یہ یاترا 4 دسمبر کو راجستھان میں داخل ہونے سے پہلے 12 دن تک مغربی مدھیہ پردیش کے مالوا  علاقے میں 380 کلومیٹر کا فاصلہ طے کرے گی۔ مہاراشٹر سے گزرنے کے بعد، یہ یاترا 23 نومبر کو برہان پور ضلع کے بودرلی گاؤں سے مدھیہ پردیش میں داخل ہوئی، جسے ‘جنوب کا دروازہ’ کہا جاتا ہے۔ پچھلے چھ دنوں میں اس یاترا نے مدھیہ پردیش میں اپنا آدھے سے زیادہ سفر مکمل کر لیا ہے۔ اس دوران گاندھی کی قیادت میں پیدل چلنے والوں کا کارواں برہان پور، کھنڈوا، کھرگون اور اندور اضلاع سے گزرا۔

اس یاترا میں اندور کے مشہور شاعر راحت اندوری کے بیٹے ستلج راحت نے بھی شرکت کی۔ ستلج نے بتایا کہا کہ انہوں  نے پدیاترا کے دوران راہل گاندھی کو اپنے  مرحوم   والد کی تصنیف کردہ   دو کتابیں پیش کیں۔ ان میں راحت اندوری کی سوانح عمری بھی شامل ہے۔ مدھیہ پردیش کے جس علاقے سے کانگریس کی بھارت جوڑو یاترا گزر رہی ہے، اس زرعی علاقے میں قبائلیوں کی بڑی آبادی ہے۔