Hathras Stampede: پولیس نے ہاتھرس حادثے کے ملزم کو عدالت میں کیا پیش، ملزم کو 14 دونوں کی عدالتی تحویل میں بھیجا جیل

ہاتھرس پولیس نے ہاتھرس کے المناک حادثے کے ملزم دیو پرکاش مدھوکر کو عدالت میں پیش کیا۔ قابل ذکر بات یہ ہے کہ  چیف جوڈیشل مجسٹریٹ  نےہاتھرس کےملزم دیو پرکاش مدھوکر کو 14 دن کی عدالتی حراست میں بھیج دیا ہے۔ ہاتھرس میں بھگدڑ کے واقعے میں اب تک 121 لوگوں کی موت ہو چکی ہے اور اس واقعے کے مرکزی ملزم دیو پرکاش مدھوکر کو ہاتھرس پولیس کی ایس او جی ٹیم نے دہلی کے نجف گڑھ علاقے سے گرفتار کیا تھا۔

ہاتھرس کے ایس پی نے ایک پریس کانفرنس میں بتایا کہ دیو پرکاش مدھوکر مرکزی منتظم تھے اور انہوں نے ہی اس پروگرام کی اجازت لی تھی۔ اس کے ساتھ ساتھ، ان کا ایک فنڈ ریزر کے طور پر بھی ان کا رول ہے اور مدھوکر منریگا کے جونیئر انجینئر تھے۔ ہاتھرس حادثے کے حوالے سے جوڈیشل کمیشن کی ٹیم جائے وقوعہ پر پہنچی اور اس دوران برجیش کمار سریواستو نے کہا کہ ہم نے جائے حادثہ کا مکمل معائنہ کیا ہے اور سب کچھ نوٹ کیا ہے۔

ہاتھرس واقعہ کے بارے میں ایس پی ہاتھرس نپن اگروال نے پریس کانفرنس میں کہا کہ دیو پرکاش مدھوکر کو گرفتار کر لیا گیا ہے۔ جس پر ایک لاکھ روپے کا انعام تھا۔ اس کے ساتھ دو اور لوگوں کو بھی گرفتار کیا گیا ہے، اس سے پہلے 6 لوگوں کو گرفتار کیا گیا تھا۔ اس واقعے کے سلسلے میں اب تک 9 افراد کو گرفتار کیا گیا ہے۔

ایس پی نے بتایا کہ ملزم مدھوکر ایٹہ میں منریگا کا جونیئر انجینئر تھا۔ مدھوکر سیاسی جماعتوں سے رابطے میں تھا، اسے پولیس تحویل میں لے کر پوچھ گچھ کی جائے گی۔ اس معاملے میں جو بھی سیاسی جماعتیں اور رہنما ملوث ہیں ان کے خلاف سخت کارروائی کی جائے گی۔

ملزم مدھوکر کے وکیل اے پی سنگھ نے ایک ویڈیو پیغام میں دعویٰ کیا تھا، ’’ہم نے دیو پرکاش مدھوکر کو سرنڈر کرا دیا ہے، جنہیں ہاتھرس کیس میں درج ایف آئی آر میں مرکزی ملزم بتایا جا رہا ہے، ان کا یہاں علاج ہو رہا تھا، اس لیے پولیس، ایس آئی ٹی اور ایس ٹی ایف۔ دہلی بلایا گیا۔

بھارت ایکسپریس