اشوک گہلوت: ‘غدار کبھی وزیراعلیٰ نہیں بن سکتا، 10 ایم ایل اے نہیں اور دھوکہ دیا، اشوک گہلوت کا سچن پائلٹ پر کھلا حملہ

نئی دہلی، 24 نومبر (بھارت ایکسپریس): راجستھان میں سیاسی ہلچل تھمنے کا نام نہیں لے رہی ہے۔ وزیر اعلیٰ اشوک گہلوت اور سابق نائب وزیر اعلی سچن پائلٹ کے درمیان تنازعہ دن بہ دن بڑھتا جا رہا ہے۔ سی ایم گہلوت نے جمعرات کو سچن پائلٹ کو غدار قرار دیا۔ وزیر اعلیٰ اشوک گہلوت کا سچن پائلٹ پر حالیہ حملہ سب سے بڑا حملہ ہے۔

وزیر اعلیٰ اشوک گہلوت اور سچن پائلٹ کے درمیان سیاسی جنگ جو راہل گاندھی کی بھارت جوڑو یاترا سے پہلے شروع ہوئی تھی، اب نئی شکل اختیار کر چکی ہے۔ سی ایم اشوک گہلوت نے ایک نجی نیوز چینل کو دئے گئے انٹرویو میں سچن پائلٹ پر تنقید کی۔ انہوں نے کہا کہ ہائی کمان سچن پائلٹ کو وزیر اعلیٰ نہیں بنا سکتی۔

وزیر اعلیٰ اشوک گہلوت نے کہا کہ جس شخص کے پاس 10 ایم ایل اے بھی نہیں ہیں جس کی تاریخ بغاوت کی تاریخ  رہی ہو اور جس نے پارٹی سے غداری کی، وہ غدار ہے۔ چیف منسٹر اشوک گہلوت نے الزام لگایا کہ سچن پائلٹ کی بغاوت میں بھارتیہ جنتا پارٹی اور دھرمیندر پردھان ملوث تھے۔ دہلی میں ان لوگوں کے درمیان ملاقات ہوئی۔