Wheather Update: دہلی-این سی آر میں دھند اور سرد ہواؤں کے باعث سردی کی شدت میں اضافہ ، ٹرینوں اورپروازوں کی آمدو رفت متاثر ، اگلے 2 دنوں تک بارش کا الرٹ

دہلی-این سی آر میں 5 جنوری کی صبح مسلسل تیسرے دن بھی گھنی دھند اور کہرے کی چادر چھائی ہوئی ہے۔ سرد ہواؤں کے ساتھ گلا دینی والی سخت سردی میں مزید اضافہ ہورہا  ہے۔ جس کی وجہ سے حد نگاہ انتہائی کم ہو گئی ہے، دھند اور کہرے کی وجہ سے ٹرینوں  اورپروازوں کی آمدو رفت متاثر ہورہی ہے ۔ دہلی کے اندرا گاندھی بین الاقوامی ہوائی اڈے پر بھی کئی پروازیں تاخیر سے چل رہی ہیں،آئیرپورٹ کے ذرائع نے مسافروں سے درخواست کی ہے کہ وہ اپنی پروازوں کے بارے میں تازہ ترین معلومات کے لیے متعلقہ ایئر لائن سے رابطہ کریں۔

محکمہ موسمیات نے جموں و کشمیر کے لیے ‘اورنج الرٹ’ جاری کیا ہے، لداخ اور ہماچل پردیش میں ہلکی سے درمیانی بارش اور برف باری کی پیش گوئی کی ہے۔

محکمہ موسمیات نے وارننگ جاری کر دی

محکمہ موسمیات کے مطابق 10 سے 12 جنوری کے درمیان شمال مغربی ہندوستان میں ایک نئی ویسٹرن ڈسٹربنس کا امکان ہے ،جس کی وجہ سے 10 جنوری کو ہلکی بارش ہوسکتی ہے۔ AQI بدستور خراب سطح پر ہے۔

دہلی میں اتوار کی صبح درجہ حرارت 10 ڈگری سیلسیس تھا ،جو ہفتہ کے درجہ حرارت سے تھوڑا کم تھا۔ دھند کی وجہ سے نئی دہلی ریلوے اسٹیشن پر کئی ٹرینیں تاخیر سے چل رہی تھیں۔ ہوا کے معیار کی صورتحال بھی خراب ہے، AQI 377 صبح 6 بجے ریکارڈ کیا گیا۔ اس سے پہلے ہفتہ کو دہلی میں 10 سے 12 گھنٹے تک گھنی دھند چھائی رہی اور کچھ علاقوں میں 9 گھنٹے تک حد نگاہ صفر رہی۔

شمالی ہندوستان سمیت ملک کے بیشتر علاقے ان دنوں شدید سردی کی لپیٹ میں ہیں۔ پہاڑوں پر جاری برفباری اور میدانی علاقوں میں بارش کے باعث درجہ حرارت کافی گرگیا ہے۔ ادھر سردی کی لہر اور گھنی دھند نے عوام کی مشکلات میں اضافہ کر دیا ۔ دہلی-این سی آر کی ریاستوں بشمول اتر پردیش، ہریانہ، پنجاب، راجستھان، بہار، مدھیہ پردیش وغیرہ میں ہفتہ کو دن بھر دھند چھائی رہی تھی۔

کہرے اور دھند سے پنجاب-ہریانہ سبھی پریشان

دھند نے دونوں ریاستوں کو اپنی لپیٹ میں لے رکھا ہے۔ مقامی محکمہ موسمیات کے مطابق امرتسر، لدھیانہ، پٹیالہ، امبالا، حصار اور کرنال میں حد نگاہ صفر تھی۔ ہریانہ کے نارنول میں کم سے کم پارہ 4.4 ڈگری رہا۔

بھارت ایکسپریس