Uniform Civil Code in Uttarakhand: اتراکھنڈ میں یونیفارم سول کوڈ میں سخت التزام، خلاف ورزی کرنے پر ووٹنگ کے حقوق چھین لینے کی دھمکی

Uttarakhand CM Pushkar Singh Dhami on Uniform Civil Code: سال 2024 سے قبل یونیفارم سول کوڈ (یو سی سی) سے متعلق قیاس آرائیاں تیز ہوگئی ہیں۔ بی جے پی کے زیراقتدارریاستوں میں اسے لے کر خوب بحث ہو رہی ہے۔ اس معاملے میں اتراکھنڈ کی دھامی حکومت سب سے آگے نظر آرہی ہے۔ اتراکھنڈ ملک کی پہلی ایسی ریاست بننے جا رہی ہے، جہاں یونیفارم سول کوڈ نافذ ہوگا۔ وزیراعلیٰ پشکر سنگھ دھامی نے اس بات کا اعلان کردیا ہے۔ اب اتراکھنڈ میں نافذ ہونے جا رہے یونیفارم سول کوڈ سے متعلق کچھ باتیں سامنے آئی ہیں، جن میں بتایا گیا ہے کہ اس قانون کے تحت کیا کیا ہوگا اور خلاف ورزی کرنے پر کون سے حقوق چھین لئے جائیں گے۔

عوامی آبادی پر کنٹرول بھی شامل

موصولہ جانکاری کے مطابق، اتراکھنڈ میں نافذ ہونے جا رہے یونیفارم سول کوڈ میں عوامی آبادی کنٹرول کو بھی شامل کیا گیا ہے۔ سرحدی فہرست کی انٹری 20 اے کی بنیاد پر اسے شامل کیا جا رہا ہے۔ اس میں عوامی آبادی کنٹرول کے علاوہ فیملی پلاننگ بھی شامل ہے۔ اسے یونیفارم سول کوڈ میں پارلیمنٹ میں پیش کئے گئے ریسپانسبل پیرنٹ ہوڈ بل 2018 (Responsible Parenthood Bill 2018) کے طرز پر شامل کیا جائے گا۔

چھین لئے جائیں گے یہ حقوق

 اس قانون کے تحت جو التزامات کئے گئے ہے، وہ کافی سخت ہیں۔ اس بل کے تحت دو بچوں کے ضوابط کی خلاف ورزی کرنے والے لوگوں کو ووٹ ڈالنے کے حقوق نہیں دیئے جائیں گے۔ اس کے علاوہ سرکاری سہولیات کے حقوق بھی چھینے جاسکتے ہیں۔ اتراکھنڈ کی تیزی سے بدلتی ہوئی جغرافیائی حالت کو دیکھتے ہوئے یہ فیصلہ لیا گیا ہے۔

یہ بھی پڑھیں:  Rajnath Singh On Uniform Civil Code: صرف ووٹ بینک کیلئے یونیفارم سول کوڈ پرہنگامہ کیا جارہا ہے:راجناتھ سنگھ

وزیراعلیٰ پشکر سنگھ دھامی نے کیا اعلان

اتراکھنڈ میں بی جے پی نے یونیفارم سول کوڈ کو اپنے انتخابی اعلانات میں شامل کیا تھا۔ حکومت بننے کے بعد جس پر کام شروع ہوگیا ہے۔ اب وزیراعلیٰ پشکر سنگھ دھامی نے بتایا ہے کہ جلد ازجلد اسے نافذ کیا جاسکتا ہے۔ دارالحکومت دہرہ دون میں منعقدہ کانفرنس میں وزیر دفاع راجناتھ سنگھ پہنچے تھے، جہاں وزیراعلیٰ پشکر سنگھ دھامی نے یہ اعلان کیا۔ اس دوران راجناتھ سنگھ نے بھی بہتر معاشرہ اور قوم کے لئے یوسی سی کو ضرور بتایا۔ وزیراعلیٰ دھامی نے دعویٰ کیا کہ یونیفارم سول کوڈ سے متعلق ریاست کے عوام کی حمایت مل رہی ہے۔ انہوں نے کہا کہ یو سی سی کسی خاص طبقے کے لئے نہیں بلکہ سبھی عوام کے لئے ہے۔ سب کی فلاح کے لئے ہم اسے لا رہے ہیں۔