Rakhi Sawant Video: راکھی ساونت نے عادل سے طلاق کا جشن منایا، کہا یہ میری بریک اپ پارٹی ہے

Rakhi Sawant Video: بالی ووڈ کی ڈرامہ کوئین راکھی ساونت اپنی پیشہ ورانہ زندگی سے زیادہ اپنی ذاتی زندگی کی وجہ سے سرخیوں میں بنی رہتی ہیں۔حال ہی میں راکھی نے اپنے شوہر عادل درانی پر کئی سنگین الزامات عائد کیے تھے اور کہا تھا کہ وہ عادل سے طلاق لے رہی ہیں۔ اسی دوران راکھی کا ایک ویڈیو سوشل میڈیا پر کافی وائرل ہو رہا ہے۔ اس ویڈیو میں راکھی ڈھول پر رقص کرتے ہوئے بتا رہی ہیں کہ عادل سے آخر کار  ان کی طلاق فائنل ہو گئی ہے۔

راکھی نے طلاق کا جشن منایا

سوشل میڈیا پر وائرل ہورہے ویڈیو میں راکھی ساونت لال جوڑے میں دلہن  کی طرح سجی ہوئی نظر آرہی ہیں۔ اس کے بعد راکھی ساونت لال جوڑا پہنے ہوئے ڈھول نگاڑا بجاتے ہوئے جم کر خوشی کا اظہار کررہی ہیں۔ ان کے چہرے پر خوشی چھپائے نہیں چھپ رہی ہے۔ اس ویڈیو میں وہ یہ بھی کہتی  ہیں کہ ہاں میرا طلاق ہورہا ہے اور یہ میری بریکپ  پارٹی ہے ۔ لوگ غم زدہ ہوتے ہیں لیکن میں خوش ہوں چلو شروع کرو۔ یہ کہنے کے بعد راکھی ساونت سر پر ڈوپٹہ ڈال  کر ڈھول کی تال پر جم کر ناچنے لگتی ہیں۔ راکھی ساونت کا یہ ویڈیو کافی وائرل ہورہا ہے ۔

راکھی کی سوسائٹی ممبر ناراض ہو گئی

طلاق کا جشن منانے کے بعد راکھی اپنے اپارٹمنٹ میں واپس چلی گئی۔ اس دوران جب وہ لفٹ آنے کا انتظار کر رہی تھیں تو سوسائٹی کے ایک ممبر نے غصے میں آکر سکیورٹی سے سوال کیا کہ اتنے میڈیا والوں کو اندر کیسے جانے دیا۔ اس شخص نے کہا یہ کیا بکواس ہے، میڈیا کے اتنے لوگ یہاں کیوں ہیں؟ سیکیورٹی، آپ نے انہیں اجازت کیسے دی؟ براہ کرم انہیں یہاں سے بھیج دیں۔

بلڈنگ کے  لوگ راکھی کو پرشیان  کرتے ہیں

بعد ازاں جب میڈیا والوں کو وہاں سے جانے کے لیے کہا گیا تو ہاتھا پائی میں کئی افراد زخمی بھی ہوئے۔ دوسری جانب ای ٹائمز کی رپورٹ کے مطابق راکھی ساونت نے بعد میں کہا کہ ان کی بلڈنگ  کے لوگ انہیں اکثر پریشان کرتے ہیں۔ وہ صرف اس وقت ڈھول بجانے کی کوشش کر رہی تھی جب عادل سے اس کی طلاق حتمی تھی۔