عام آدمی پارٹی کے لیڈر منیش سسودیا دہلی ایکسائز پالیسی سے متعلق مبینہ بدعنوانی اور منی لانڈرنگ کے مقدمات میں ضمانت پر باہر آنے کے بعد سرگرم نظر آ رہے ہیں۔ مرکزی حکومت پر حملہ کرتے ہوئے انہوں نے این ڈی اے اتحادیوں کو بھی مشورہ دیا۔ ساتھ ہی اپوزیشن سے اپیل کی کہ وہ وزیراعلیٰ کیجریوال کی جلد رہائی کے لیے متحد ہوجائیں۔
دہلی کے سابق نائب وزیر اعلیٰ منیش سسودیا نے کہا، ’’میں ان لوگوں سے کہنا چاہتا ہوں جو نئے این ڈی اے میں شامل ہوئے ہیں، یہ مت سوچیں کہ صرف عام آدمی پارٹی کے لیڈر ہی جیل جائیں گے، ان کا نمبر بھی آئے گا۔
عام آدمی پارٹی کے سینئر لیڈر نے مزید دعویٰ کیا کہ ’’اگر اپوزیشن متحد ہو کر شور مچاتی ہے تو اروند کیجریوال جی بھی 24 گھنٹوں کے اندر باہر آجائیں گے۔‘‘ ہم سب کو ‘آمرانہ ہندوستان چھوڑو’ کے لیے متحدہ طورپرلڑنا پڑے گا۔
سینئر عام آدمی پارٹی لیڈر منیش سسودیا نے دہلی ایکسائز پالیسی کیس میں سپریم کورٹ سے ضمانت ملنے کے ایک دن بعد ہفتہ (10 اگست) کو بی جے پی اور مرکزی حکومت پر شدید حملہ کیا۔ انہوں نے کہا کہ لیڈروں کو جیل میں رکھا جا رہا ہے۔ جو قوانین پوری دنیا میں دہشت گردوں اور مافیا پر مسلط ہیں وہی یہاں کے سیاستدانوں پر مسلط کیے جا رہے ہیں۔
سسودیا نے مزید الزام لگایا کہ لیڈروں کو طویل عرصے سے جیل میں رکھا جا رہا ہے۔ یہ مکمل آمریت ہے۔ انہوں نے کہا کہ اس آمریت کی وجہ سے ملک کے عام لوگوں کو بہت زیادہ مسائل کا سامنا ہے۔ ان کی تعلیم اور صحت کو خطرہ ہے لیکن مرکزی حکومت خاموش بیٹھی ہے۔
بھارت ایکسپریس۔
وہائٹ نوائز میں سبھی فرکوینسی میں یکساں توانائی ہوتی ہے یعنی برابر شور ہوتا ہے۔…
متاثرہ گاؤں والوں نے بتایا کہ آگ میں بہت سے مویشی وغیرہ جل کر خاکستر…
وزارت نے کہا، ’’اس طرح کے بیلسٹک میزائل سے سلامتی کونسل کی قراردادوں کی خلاف…
پہلے مرحلے میں پلوامہ کی 4، شوپیاں کی 2، کولگام کی 3، اننت ناگ کی…
این پی ایس واتسلیہ قومی پنشن اسکیم (این پی ایس) کی ایک بدلی ہوئی شکل…
بالی ووڈ کے میگا اسٹارکی مسترد شدہ فلم ونود کھنہ کے لئے لائف لائن بن…