Taxpayers in India: کتنے فیصد افراد ٹیکس ادا کرتے ہیں؟ ہندوستان، امریکہ، برطانیہ اور فرانس کی آبادی اور ٹیکس دہندگان کی تعداد کیا ہے ؟ جانئے

دنیا بھر میں بہت سے ممالک ایسے ہیں جہاں ٹیکس دہندگان میں بہت زیادہ عدم مساوات ہے۔ ایسے ممالک میں ہندوستان بھی شامل ہے۔ آبادی کے لحاظ سے سب سے بڑا ملک ہونے کے علاوہ ہندوستان میں لوگوں کی آمدنی میں بھی بڑا فرق ہے۔ 94 کروڑ سے زیادہ ہندوستانی یہاں ووٹ دینے کے اہل ہیں، پھر بھی صرف 2.2فیصد ٹیکس دہندگان ہیں۔2021-22 میں جاری کیے گئے سرکاری اعداد و شمار میں، ملک میں صرف 20.9 ملین – تقریباً 2 کروڑ لوگ – ٹیکس دہندگان تھے۔ جبکہ اس وقت ملک کی آبادی 130 کروڑ سے تجاوز کر چکی تھی۔ اب آبادی سے متعلق مختلف رپورٹس میں ہندوستان کی آبادی 142 کروڑ سے زیادہ بتائی گئی ہے لیکن انکم ٹیکس ادا کرنے والے ہندوستانیوں کی تعداد بہت کم ہے۔

ممالک اور ان کی آبادی

ہندوستان – 142 کروڑ سے زیادہ لوگ

امریکہ – 34 کروڑ

برطانیہ – 6.7 کروڑ

فرانس – 6.4 کروڑ

جرمنی – 8.3 کروڑ

اگر آپ ٹیکس دہندگان کے معاملے میں ہندوستان کا ترقی یافتہ ممالک سے موازنہ کریں تو آپ اعداد و شمار کو دیکھ کر حیران رہ جائیں گے۔ جب کہ ہندوستان میں ٹیکس دہندگان ووٹنگ کی آبادی کا صرف 2.2 فیصد ہیں، امریکہ میں 50 فیصد سے زیادہ ووٹرز ٹیکس دہندگان ہیں۔ اسی طرح برطانیہ میں 59.7فیصد، جرمنی میں 61.3فیصد اور فرانس میں 78.3فیصد ووٹرز ٹیکس دہندگان ہیں۔

ملک میں ٹیکس دہندگان کے دو طبقے

ہندوستان میں ٹیکس دہندگان میں عدم مساوات ہے ۔ سب سے اوپر 3فیصد انکم ٹیکس کا تقریباً 50فیصد ادا کرتے ہیں۔ ہندوستانی ٹیکس دہندگان کو دو وسیع اقسام میں تقسیم کیا جاسکتا ہے – ایک طرف، وہ لوگ ہیں جنہوں نے 10 لاکھ روپے تک ٹیکس ادا کیا ہے اور دوسری طرف، وہ لوگ ہیں جنہوں نے 10 لاکھ روپے سے زیادہ ٹیکس ادا کیا ہے۔

ٹیکس دہندگان کی عدم مساوات کی مثال

ہندوستان میں تقریباً 97فیصد ٹیکس دہندگان نے سال 2021-22 میں 10 لاکھ روپے تک کی ادائیگی کی، جو کہ کل ادا کیے گئے ٹیکس کا 52.4فیصد ہے۔ دوسری طرف، صرف 3فیصدٹیکس دہندگان نے 10 لاکھ روپے سے زیادہ کی ادائیگی کی۔ لیکن اس چھوٹے گروپ نے مجموعی ٹیکس میں 47.6 فیصد حصہ ڈالا۔

بھارت ایکسپریس۔