Swati Maliwal Assault Case: ’سواتی مالیوال کے ساتھ سی ایم ہاؤس میں ہوئی بدسلوکی، کیجریوال خاموش کیوں؟‘ اسمرتی ایرانی نے لگایا سنگین الزام

Swati Maliwal Assault Case: عام آدمی پارٹی کی راجیہ سبھا رکن پارلیمنٹ سواتی مالیوال سے بدسلوکی اورمارپیٹ کرنے کے معاملے میں بی جے پی حملہ آورہے۔ اس درمیان مرکزی وزیراسمرتی ایرانی نے وزیراعلیٰ اروند کیجریوال پر تنقید کرتے ہوئے جمعرات (23 مئی، 2024) کو کہا کہ وہ معاملے پرخاموشی کیوں اختیارکئے ہوئے ہیں۔

بی جے پی کی لیڈراسمرتی ایرانی نے پارٹی کی طرف سے پریس کانفرنس کرتے ہوئے کہا، ”سواتی مالیوال کی پٹائی کے دوران وزیراعلیٰ اروند کیجریوال کی رہائش گاہ پران کےعلاوہ فیملی اوراسٹاف کا کون سا رکن موجود تھا اس کی جانکاری توصرف سواتی مالیوال اوراروندکیجریوال ہی دے سکتے ہیں۔”