Karnataka High Court: جانیں کس ریاست کی اعلی عدالت نے ‘رشوت’ دینے والوں کے خلاف کیس درج کرنے کی بات کہی

Karnataka High Court: کرناٹک ہائی کورٹ نے میسور چندن صابن گھوٹالہ کیس میں مبینہ طور پر “رشوت دینے والوں” کی طرف سے دائر دو درخواستوں کو مسترد کرتے ہوئے کہا ہے کہ “اب وقت آگیا ہے کہ رشوت لینے والوں کی طرح رشوت دینے والوں کو بھی اس کے لیے ذمہ دار ٹھہرا کر بدعنوانی کے خطرے کا خاتمہ کیا جائے۔” جسٹس ایم ناگاپرسننا نے اپنے 26 جون کے فیصلے میں ایم ایس کرناٹک اروماس کمپنی کے مالکان کیلاش ایس راج، ونے ایس راج اور چیتن مارلیچا کی درخواست اور البرٹ نکولس اور گنگادھر کی ایک دوسری درخواست کو مسترد کر دیا۔ یہاں بتاتے چلیں کہ بی ڈبلیو ایس ایس بی کے اس وقت کے مالیاتی مشیر اور اکاؤنٹس کے چیف کنٹرولر پرشانت کمار ایم وی کے دفتر میں ان سبھی کے پاس 45-45 لاکھ روپے برآمد ہوئے تھے۔

پولیس نے پرشانت کے دفتر پر مارا چھاپہ

 پرشانت بھارتیہ جنتا پارٹی (بی جے پی) کے اس وقت کے ایم ایل اے اور میسور صندل صابن بنانے والے کرناٹک صابن اور ڈٹرجنٹس لمیٹڈ کے چیئرمین مدل ویروپکشپا کے بیٹے ہیں۔ ویروپکشپا کے خلاف شکایت ملنے کے بعد لوک آیکت پولیس نے ان کے بیٹے پرشانت کے دفتر پر چھاپہ مارا۔ البرٹ نکولس اور گنگادھر کو پرشانت کے دفتر میں نقد رقم لے جاتے ہوئے پایا گیا۔ اس سلسلے میں درج کی گئی ایک الگ شکایت میں ان دونوں کے ساتھ ساتھ کرناٹک اروماس کمپنی کے تین مالکان کو ملزم نامزد کیا گیا ہے۔ یہ وہ معاملہ ہے جسے پانچوں نے دو الگ الگ درخواستوں میں چیلنج کیا تھا۔ دعویٰ کیا جا رہا ہے کہ ضبط شدہ رقم مبینہ طور پر رشوت تھی جو ویروپکشپا کو ان کے بیٹے پرشانت کے ذریعے دی گئی تھی۔

یہ بھی پڑھی: مسجد سے جے شری رام کے نعرے لگوانے کا کیا تھا دعویٰ، فرضی ٹوئٹ کے پھیر میں پھنسیں محبوبہ مفتی، شکایت درج

کورٹ نے کیس کو کالعدم قرار دینے سے کیا انکار

ہائی کورٹ نے سماعت کے دوران کیس کو کالعدم قرار دینے کی ان کی درخواست کو مسترد کرتے ہوئے کہا کہ جب قانون آپ کو کرپٹ لوگوں سے نہیں، بلکہ کرپٹ لوگوں سے آپ کی بچاتا ہے، تو جان لیں کہ ملک برباد ہوگیا ہے۔ عدالت نے کہا کہ یہ پتہ لگانے کے لیے جانچ ضروری ہے کہ دونوں نقدی کیوں لے کر جا رہے تھے۔ “سوال یہ ہے کہ وہ ملزم نمبر ایک (جو ایک سرکاری ملازم ہے) کے نجی دفتر میں کیوں بیٹھا تھا۔ آخر وہ بیگ میں 45 لاکھ روپے کی نقد رقم لے کر ملزم نمبر ایک کا انتظار کیوں کر رہا تھا، یہ تحقیقات کا معاملہ ہے۔

بھارت ایکسپریس۔