Bulldozers action in Sambhal: سنبھل میں مسجد پرانتظامیہ کی بلڈوزرکارروائی، بڑی تعداد میں پولیس فورس کو کیا گیا تعینات

دشہرہ کے دن سنبھل میں غیرقانونی تعمیرات پربلڈوزرکارروائی کی جا رہی ہے۔ اسمولی تھانہ علاقہ کے گاؤں میں انتظامیہ نے مبینہ غیر قانونی تعمیرات کے خلاف کارروائی شروع کردی ہے۔ کئی ایکڑزمین پرتعمیراس عمارت میں مدرسہ اوربارات گھرچلائے جانے کی بات سامنے آئی ہے۔ اسے بلڈوزرسے گرایا جا رہا ہے۔

انتظامیہ نے دیا تھا 30 دنوں کا الٹی میٹم

ایس پی کے کے بشنوئی کا کہنا ہے کہ یہ زمین تالاب کے لئے متعین ہے، جس پرغیرقامونی طریقے سے تعمیرکرائی گئی ہے۔ تعمیرات ہٹانے کے لئے متعلقہ فریق کو30 دنوں کا وقت دیا گیا تھا، لیکن ڈیڈ لائن گزرنے کے باوجودغیرقانونی تعمیرات نہیں ہٹائی گئیں۔ نتیجتاً انتظامیہ نے اپنے طورپرکارروائی کرنے کا فیصلہ لیا ہے۔ سنبھل میں مبینہ غیرقانونی طریقے سے بنائے گئے مدرسہ اوربارات گھرکوانتظامیہ بلڈوزرسے منہدم کرا رہی ہے۔

پولیس چھاؤنی میں تبدیل کردیا گیا ہے علاقہ

ممکنہ احتجاج کے پیش نظرعلاقے میں پولیس کی بھاری پولیس فورس تعینات کردی گئی ہے۔ کشیدہ صورتحال کوروکنے کے لئے پورے علاقے کوپولیس چھاؤنی میں تبدیل کردیا گیا ہے۔ لوگوں کوگھروں سے باہرنہ نکلنے کی تاکید کی گئی ہے۔ ضلع انتظامیہ پہلے ہی بلڈوزرسے شادی ہال کومسمارکرچکی ہے۔ اب مسجد کوانتفاضہ کمیٹی منہدم کرے گی۔ انتظامیہ نے دن کے اوائل میں گاؤں والوں کے ساتھ ایک میٹنگ کی اورانہیں حفاظت اورچوکسی کے بارے میں آگاہ کیا۔

موقع پرڈی ایم اورایس پی موجود

کارروائی کی نگرانی لے لئے موقع پرڈی ایم اورایس پی موجود ہیں۔ ڈرون سے بھی علاقے میں نظررکھی جارہی ہے۔ انتظامیہ کا کہنا ہے کہ غیرقانونی قبضوں اورتعمیرکوکسی بھی حال میں برداشت نہیں کیا جائے گا۔ اس کے خلاف کارروائی کی جائے گی۔