Raw silk production: ملک میں خام ریشم کی پیداوار میں ہو رہا ہے اضافہ، جنوری 2025 تک 34,042 میٹرک ٹن پیداوار

ملک میں خام ریشم کی پیداوار جنوری 2025 تک 34,042 میٹرک ٹن (MT) تک پہنچ گئی ہے، جس میں اضافہ درج کیا گیا ہے۔ ٹیکسٹائل کی وزیر مملکت پابیترا مارگریٹا نے راجیہ سبھا میں ایک سوال کے تحریری جواب میں یہ اعداد و شمار پیش کیے ہیں۔ وزیر مملکت کی جانب سے فراہم کردہ اعداد و شمار کے مطابق گزشتہ دس برسوں میں ملک میں خام ریشم کی پیداوار میں 9,743 میٹرک ٹن کا اضافہ دیکھا گیا ہے۔

ملک میں خام ریشم کی پیداوار میں اضافہ مرکزی اسکیموں کے ذریعہ مداخلت کی وجہ سے ہوا ہے، جن میں کیٹلیٹک ڈیولپمنٹ پروگرام (CDP)، نارتھ ایسٹ ریجن ٹیکسٹائل پروموشن اسکیم (NERTPS)، انٹیگریٹڈ اسکیم فار ڈویلپمنٹ آف سلک انڈسٹری (ISDSI)، سلک سماگرا اور سلک سماگرا-2 شامل ہیں۔ جنوری-2025 تک خام ریشم کی پیداوار کے مطابق ریشم کے شعبے میں متوقع روزگار پیدا کرنے کا تخمینہ 80.90 لاکھ افراد ہے، جس میں 71.2 لاکھ افراد کو براہ راست اور 9.7 لاکھ افراد کو بالواسطہ روزگار ملے گا۔

ملک میں 109 عدد آٹومیٹک ریلنگ مشینوں (AMRs) سے ملک میں بین الاقوامی گریڈ (3A اور 4A) معیاری ریشم کی پیداوار میں اضافہ ہوا ہے۔ 26 مارچ کو سوال کا جواب دیتے ہوئے مرکزی وزیر مملکت نے کہا تھا کہ حکومت نے سنٹرل سلک بورڈ کے ذریعے سال 2021-22 سے 2025-26 تک ملک میں ریشم کی صنعت کی مجموعی ترقی کے لیے 4,679.85 کروڑ روپے کی لاگت کے ساتھ سلک سماگرا-2 اسکیم کو نافذ کی ہے۔ اس اسکیم کے تحت ریاستوں کو مختلف مستفید کنندگان پر مبنی فیلڈ لیول کی اہم مداخلتوں کے نفاذ کے لیے مالی امداد فراہم کی جاتی ہے، جس میں کسان نرسریوں کی پرورش، ریشم کے کیڑے پالنے کے پیکجز وغیرہ شامل ہیں۔

اب تک ریاستوں کو 1,075.58 کروڑ روپے کی مرکزی امداد سلک سماگرا-2 تقریباً 78,000 استفادہ کنندگان کا احاطہ کرنے کے لیے فراہم کی گئی ہے۔ مزید برآں تحقیق اور ترقی کی سرگرمیوں کے ذریعے ریشم کی پیداوار اور پیداواری صلاحیت کو بہتر کیا گیا ہے تاکہ ریشم کے شعبے میں ’’آتم نربھر بھارت‘‘ کے ہدف کو حاصل کیا جا سکے۔

بھارت ایکسپریس اردو