Vasudev Devnani Heart Attack: راجستھان اسمبلی کے اسپیکر واسودیو دیونانی کو پڑا دل کا دورہ، پٹنہ میں میں تھی میٹنگ

Vasudev Devnani Heart Attack: راجستھان اسمبلی کے اسپیکر واسودیو دیونانی کی صحت پٹنہ میں پریذائیڈنگ افسر کی میٹنگ کے دوران دل کا دورہ پڑنے کے بعد بگڑ گئی۔ انہیں فوری طور پر علاج کے لیے اسپتال لے جایا گیا۔ واسودیو دیونانی بھارتیہ جنتا پارٹی کے اجمیر نارتھ سے ایم ایل اے ہیں۔ دیونانی پہلے سندھی ہیں جنہیں راجستھان قانون ساز اسمبلی کا اسپیکر بنایا گیا ہے۔

انہوں نے پیر کی صبح ہی سینے میں درد کی شکایت کی تھی۔ وہ پریزائیڈنگ افسران کی میٹنگ میں شرکت کے لیے پٹنہ پہنچے تھے، لیکن دل کا دورہ پڑنے سے طبیعت بگڑنے پر انہیں اسپتال میں داخل کرنا پڑا۔ وہ پریذائیڈنگ آفیسر کی میٹنگ میں شرکت کے لیے گئے تھے۔ لیکن وہ پروگرام میں شرکت نہیں کر سکے۔ کابینی وزیر کرنل راجیہ وردھن سنگھ راٹھور نے ان کی بگڑتی ہوئی صحت کی خبروں پر تشویش کا اظہار کیا ہے اور راجستھان اسمبلی کے اسپیکر کی جلد صحت یابی کی بھی خواہش کی ہے۔

یہ بھی پڑھیں- Uniform Civil Code:یکساں سول کوڈ کو ایک طبقہ نہ سمجھنے کا ناٹک کرے گا اور اسےکبھی نہیں سمجھے گا،سابق چیف جسٹس رنجن گگوئی کا متنازعہ بیان

ان کی حالت فی الحال مستحکم بتائی جا رہی ہے، انہیں پٹنہ کے پی ایم سی ایچ اسپتال میں داخل کرایا گیا ہے۔ آپ کو بتا دیں کہ پٹنہ میں دو روزہ آل انڈیا پریذائیڈنگ کانفرنس جاری ہے۔

-بھارت ایکسپریس