Kumar Vishwas sparks controversy : تمہاری بیٹی سوٹ کیس میں 36 ٹکڑوں میں ملے گی،کمار وشواس نے ایک بار پھر دیا متنازعہ بیان

شاعر کمار وشواس ان دنوں اپنے متنازعہ بیانات کی وجہ سے خبروں میں ہیں۔ ایک بار پھر انہوں نے ایسی بات کہی ہے جس سے وہ تنازعات میں گھرے ہوئے ہیں۔ حال ہی میں تیمور علی خان کا نام لے کر سیف علی خان کو نشانہ بنانے کے بعد کمار وشواس نے  اب ایک نیا متنازعہ بیان دیاہے ۔دراصل، 19 جنوری کو اتر پردیش کے آگرہ میں رام کتھا کا اہتمام کیا گیا تھا، اس دوران شاعر کمار وشواس نے ملک بھر کے والدین کو نصیحتیں کیں لیکن انہوں نے ایسی بات کہی جو لوگوں کو پسند نہیں آئی۔

رام کتھا کے دوران، کمار وشواس نے کہا، ‘کوئی بھی ان لڑکیوں کا غلط استعمال نہیں کرسکتا جو اپنے والد کے ساتھ اپنا دکھ بانٹ سکتی ہیں۔ میں تمام بیٹیوں کے والد سے درخواست کرتا ہوں کہ وہ اپنی بیٹیوں کو دوست بنائیں اور ان کو کندھا دیں۔ ورنہ کوئی اور ان کو کندھا دے دے گا۔ اس کے بعد بیٹی سوٹ کیس میں 36 ٹکڑوں میں ملے گی۔

کمار وشواس نے یہ بھی کہاکہ میں یہ سب کہہ رہا ہوں، اسی لیے مجھے سرحد پار سے دھمکیاں مل رہی ہیں۔ آج کل کے بچے چھوٹی چھوٹی باتوں پر خودکشی کر لیتے ہیں۔ آئی فون نہیں دیا گیا تو خودکشی کر لی، آئی آئی ٹی میں فیل ہو گیا تو خودکشی کر لی۔ یہ سب اس لیے ہے کہ انہیں خود پر اعتماد نہیں ہے۔ انہیں اپنے والدین یا دوستوں پر بھروسہ نہیں ہے۔

بھارت ایکسپریس۔