وزیراعلیٰ یوگی آدتیہ ناتھ کا بڑا فرمان، پورے یوپی میں نافذ ہوگا مظفرنگرفارمولہ، کانوڑ یاترا روٹ کے دکانوں پرلکھنے ہوں گے مالکان کے نام

دوسری جانب، اس معاملے سے متعلق سیاسی جنگ چھڑگئی ہے۔ بی جے پی کی اتحادی پارٹی جنتا دل یونائیٹیڈ (جے ڈی یو) کے لیڈرکے سی تیاگی نے مظفرنگرپولیس کے حکم کو واپس لئے جانے کو کہا ہے۔ انہوں نے کہا کہ مظفرنگرپولیس کے کھانے پینے والے دوکانداروں کا نام ڈسپلے کرنے سے فرقہ وارانہ کشیدگی پھیل سکتی ہے۔ انہوں نے کہا کہ مذہب اورذات پات کی بنیاد پرکسی بھی طرح کا بھید بھاؤ نہیں ہونا چاہئے۔ کے سی تیاگی نے کہا کہ مغربی یوپی کے مختلف علاقوں سے گزرنے والی کانوڑیاترا میں کبھی فرقہ وارانہ کشیدگی کی کوئی خبرنہیں آئی۔ مذہب کی بنیاد پراس طرح کا بھید بھاؤ غلط ہے اوراس سے فرقہ وارانہ کشیدگی میں اضافہ ہوگا۔

اکھلیش یادو نے’سماجی جرم‘ قرار دیا

ریاست کے سابق وزیراعلیٰ اور سماجوادی پارٹی کے سربراہ اکھلیش یادو نے مظفرنگرپولیس کے حکم کو ’سماجی جرم‘ قرار دیا ہے۔ انہوں نے عدالتوں سے اس معاملے کو ازخود نوٹس لینے کی گزارش کی ہے۔ اکھلیش یادونے یوپی پولیس کے اس فیصلے پرسوال اٹھاتے ہوئے سوشل میڈیا پلیٹ فارم ایکس پرلکھا، ”…اورجس کا نام گڈو، منا، چھوٹا یا فتے ہے، اس کے نام سے کیا پتہ چلے گا؟ عدالت کواس معاملے پرازخود نوٹس لینا چاہئے اورایسی انتظامیہ اوراقتدارپرقابض لوگوں کی منشا کی جانچ کرواکر، مناسب سزا دینے کی کارروائی ہونی چاہئے۔ اکھلیش یادونے آگے لکھا ہے کہ ایسے حکم سماجی طورپرجرم ہیں، جوآپسی بھائی چارہ کی پرامن فضا کوخراب کرنا چاہتے ہیں۔”

مسلمانوں کو دوسرے درجے کا شہری بنا رہی ہے حکومت: اویسی

آل انڈیا مجلس اتحاد المسلمین کے سربراہ اورحیدرآباد کے ایم پی اسدالدین اویسی نے کہا کہ اترپردیش کی حکومت چھوا چھوت کوپرموٹ کررہی ہے۔ انہوں نے دعویٰ کیا کہ مظفرنگرکے ڈھابوں سے مسلمانوں کونوکری سے نکال دیا گیا ہے۔ انہوں نے کہا کہ ایسا لگ رہا ہے کہ ان میں ہٹلرسما گئے ہیں۔ کیا آپ ایک ہی طبقے کے لئے کام کریں گے۔ انہوں نے کہا کہ ہندو تنظیموں کے دباؤمیں یہ سب کیا جا رہا ہے۔ یہ مسلمانوں کوسیکنڈ گریڈ سٹیزن بنانا چاہتے ہیں۔

بھارت ایکسپریس-