صدر جمہوریہ سے این ڈی اے وفد کی ملاقات، حکومت بنانے کا پیش کیا دعویٰ

NDA to form Government: قومی جمہوری اتحاد (این ڈی اے) نے حکومت بنانے کا دعویٰ پیش کردیا ہے۔ جمعہ کے روزکئی میٹنگوں کے بعد این ڈی اے لیڈران کا گروپ صدرجمہوریہ دروپدی مرموسے ملنے پہنچا اورانہیں حکومت بنانے کی تجویز پیش کی۔ حکومت بنانے کا دعویٰ پیش کرنے این ڈی کی طرف سے امت شاہ، راجناتھ سنگھ، جے پی نڈا، نتیش کماراورایکناتھ شندے پہنچے۔ وزیراعظم نریندر مودی بھی آج شام ساڑھے چار بجے صدر جمہوریہ دروپدی مرمو سے ملاقات کرنے جائیں گے۔

لوک سبھا الیکشن کے نتائج میں این ڈی اے گروپ نے 293 سیٹیں حاصل کی تھیں، جو کہ اکثریت کے کرشمائی اعداد وشمار 272 سے زیادہ ہیں۔ حالانکہ این ڈی اے کی قیادت کرنے والی بی جے پی اس بار اکثریت کے اعدادوشمارسے کافی پیچھے رہ گئی ہے، ایسے میں ایک دوسرے کو منانے سے متعلق لمبا دور چلا۔ حالانکہ جمعہ کے روز دوپہراین ڈی اے لیڈران نے صدر دروپدی مرمو سے ملاقات کرکے حکومت بنانے کا دعویٰ پیش کیا اور سبھی قیاس آرائیوں پربریک لگا دیا۔