Jammu Kashmir Assembly Election: نیشنل کانفرنس نے جاری کی 32 امیدواروں کی فہرست، عمرعبداللہ کو اس سیٹ سے بنایا گیا امیدوار

نیشنل کانفرنس نے جموں وکشمیر اسمبلی الیکشن کے لئے 32 امیدواروں کی فہرست جاری کی ہے۔ سابق وزیراعلیٰ عمرعبداللہ گاندربل سے پارٹی کے امیدوار ہوں گے۔ اس الیکشن میں نیشنل کانفرنس اور کانگریس کا الائنس ہوا ہے۔ نیشنل کانفرنس 51 اور کانگریس 32 سیٹوں پر الیکشن لڑیں گی۔ وہیں، 6 سیٹوں پر ان کا دوستانہ مقابلہ ہوگا۔ یعنی ان سیٹوں پردونوں ہی پارٹیاں اپنے امیدواراتاریں گی۔

گاندربل کو نیشنل کانفرنس کا مضبوط گڑھ مانا جاتا ہے، کیونکہ اس سیٹ سے عبداللہ فیملی کی تین نسلوں نے جیت درج کی ہے۔ 1977 میں نیشنل کانفرنس کے بانی شیخ محمد عبداللہ یہاں سے جیتے تھے۔ 1983، 1987 اور 1996 میں ان کے بیٹے فاروق عبداللہ اور2008 میں عمرعبداللہ نے یہاں سے جیت درج کی۔ 2014 میں نیشنل کانفرنس کے ٹکٹ پرہی شیخ اشفاق جبارنے گاندربل سے سیٹ جیتی تھی۔ اس سے پہلے وہ کانگریس کے ٹکٹ پراسی سیٹ سے ہارچکے ہیں۔

کانگریس کے ساتھ لڑ رہی ہے الیکشن

تقریباً 5 سال بد ہو رہے جموں وکشمیر اسمبلی الیکشن میں نیشنل کانفرنس کانگریس کے ساتھ مل کر الیکشن لڑرہی ہے۔ سیٹوں کی تقسیم پرتبادلہ خیال کے لئے کانگریس کے قومی صدر ملیکا ارجن کھڑگے اور راہل گاندھی خود سری نگرپہنچے تھے۔ اس الیکشن میں نیشنل کانفرنس کو 50 اور کانگریس کو 32 سیٹیں دی گئی ہیں۔ جبکہ ایک سیٹ سی پی آئی (ایم) اور ایک سیٹ پینتھرس پارٹی کو دی گئی ہے۔ ساتھ ہی دونوں پارٹیاں 6 سیٹوں پردوستانہ مقابلہ کریں گی۔ یعنی دونوں پارٹیاں امیدوار اتاریں گی۔ نیشنل کانفرنس نے آج اپنی دوسری فہرست جاری کی ہے۔ اس فہرست میں 32 امیدواروں کے نام ہیں۔

بھارت ایکسپریس–