PM Modi wishes Rahul Gandhi on his birthday: وزیر اعظم مودی سمیت کئی بی جے پی لیڈران نے دی راہل گاندھی کو سال گرہ کی مبارکباد، کیا نیک خواہشات کا اظہار

وزیر اعظم نریندر مودی نے جمعرات کو کانگریس لیڈر راہل گاندھی کو ان کی 55 ویں سالگرہ کے موقع پر مبارکباد دی۔ سوشل میڈیا پلیٹ فارم ’ایکس‘ پر وزیر اعظم نے پوسٹ کرتے ہوئے لکھا کہ ’’لوک سبھا میں قائد حزب اختلاف جناب راہل گاندھی کو سال گرہ کی مبارکباد۔ انھیں لمبی اور صحت مند زندگی نصیب ہو۔‘‘

 بی جے پی لیڈران نے بھی پیش کی مبارکباد

اس دوران کئی اور بی جے پی لیڈران نے بھی راہل گاندھی کو سال گرہ کی مبارکباد دیتے ہوئے نیک خواہشات کا اظہار کیا ہے۔ بی جے پی کے سینئر لیڈر اور مرکزی وزیر نتن گڈکری نے سوشل میڈیا پلیٹ فارم ایکس پر راہل گاندھی کو مبارکباد دیتے ہوئے لکھا کہ ’’یوپی کے رائے بریلی سے رکنِ پارلیمان اور لوک سبھا میں اپوزیشن لیڈر شری راہل گاندھی جی کو دل کی گہرائیوں سے سال گرہ کی مبارکباد۔ دعا ہے کہ یہ دن ان کے لیے خوشیاں لائے اور آنے والا سال صحت و خوش حالی سے بھرپور ہو۔‘‘

وزیر دفاع راجناتھ سنگھ نے راہل گاندھی کو نیک تمناؤں کے ساتھ سال گرہ کی مبارکباد دیتے ہوئے لکھا کہ ’’راہل گاندھی جی کو سال گرہ کی دلی مبارکباد۔ دعا ہے کہ آپ کو اچھی صحت اور طویل زندگی نصیب ہو۔‘‘ وہیں بی جے پی لیڈر نوین جندل نے بھی اپنی نیک خواہشات کا اظہار کیا اور راہل گاندھی کو سال گرہ کی مبارکباد پیش کی۔

بھارت ایکسپریس اردو