Manoj Tiwari Attends Parliamentary Panel: ٹرانسپورٹ، سیاحت اور ثقافت سے متعلق پارلیمانی قائمہ کمیٹی کے اجلاس میں شریک ہوئے منوج تیواری، کہا-شہری ہوابازی میں حفاظت کو یقینی بنانا مودی حکومت کی اولین ترجیح

بی جے پی کے رکن پارلیمنٹ اور سینئر لیڈر منوج تیوار نے بدھ کے روز ٹرانسپورٹ، سیاحت اور ثقافت سے متعلق پارلیمانی قائمہ کمیٹی کے ایک طویل اور بھرپور اجلاس میں شرکت کی۔ جے ڈی یو ایم پی سنجے جھا کی سربراہی والی اس قائمہ کمیٹی کے اس اجلاس کا موضوع ’’شہری ہوا بازی کے شعبے میں حفاظت کا مجموعی جائزہ‘‘ تھا۔ بی جے پی منوج تیواری بھی اس قائمہ کمیٹی کے سرگرم رکن ہیں۔

سوشل میڈیا پلیٹ فارم پر اجلاس کی تصاویر شیئر کرتے ہوئے منوج تیواری نے لکھا کہ ’’قائمہ کمیٹی کا اجلاس آٹھ گھنٹے تک جاری رہا۔ پارلیمنٹ میں ٹرانسپورٹ، سیاحت اور ثقافت سے متعلق پارلیمانی قائمہ کمیٹی کے تاریخی اجلاس میں شرکت کی۔ شہری ہوا بازی میں حفاظت کو یقینی بنانا ہم سب کی اجتماعی ذمہ داری ہے اور یہ مودی حکومت کی قومی مفادات کی اولین ترجیحات میں شامل ہے۔‘‘

آٹھ گھنٹے تک چلا اجلاس

آٹھ گھنٹے طویل اس اجلاس میں تقریباً 97 لوگ پینل کے سامنے پیش ہوئے، جن میں وزارت کے اعلیٰ افسران بشمول سکریٹری، اے اے آئی بی کے حکام، ہندوستان میں کام کرنے والی ایئر لائنز کے سی ای او، اڈانی اور جی ایم آر جیسے ہوائی اڈے کے آپریٹرز کے نمائندے اور سول ہیلی کاپٹر آپریٹرز کے نمائندے شامل ہیں۔ اس اجلاس میں خاص طور پر احمد آباد میں ہوئے جان لیوا طیارہ حادثے کی ابتدائی تحقیقاتی رپورٹ پر توجہ دی گئی اور پینل کو اطلاع دی گئی ہے کہ یہ رپورٹ جلد سے جلد سامنے آ جائے گی۔

اجلاس کے دوران قائمہ کمیٹی نے سول ہیلی کاپٹر آپریشنز میں کمی جیسے دیگر مسائل کے علاوہ اوور لوڈڈ ایئر ٹریفک کنٹرول (ATC) سسٹم پر بھی تشویش کا اظہار کیا۔ کمیٹی نے اے ٹی سی میں عملے کی کمی پر بحث کی اور یہ بھی نشان دہی کہ ڈی جی سی اے میں بھی کئی آسامیاں خالی ہیں۔

بھارت ایکسپریس اردو