Maharashtra NCP Political Crisis: بی جے پی حکومت میں شامل ہونے کے لئے تین بار ہوئی تھی بات، شرد پوار نے خود کیا انکشاف

Maharashtra NCP Political Crisis: نیشنلسٹ کانگریس پارٹی (این سی پی) سربراہ شرد پوار اپنی سیاسی زندگی کی سب سے مشکل لڑائی لڑ رہے ہیں۔ جس پارٹی کو انہوں نے 24 سال میں بڑا کیا، آج اسی پرقبضے کے لئے انہیں جدوجہد کرنی پڑرہی ہے۔ کبھی سب سے خاص رہے بھتیجے اجیت پوار کی بغاوت کے بعد پارٹی کے کئی عظیم لیڈر ان کا ساتھ چھوڑ چکے ہیں۔ اجیت پوار نے تو عمر پرسوال کیا اورانہیں ریٹائرمنٹ کا مشورہ دے دیا۔ سینئرشرد پوارنے اس پر جواب دیتے ہوئے کہا ہے کہ 82 سال کی عمر میں بھی کام کرنے کے لئے تیار ہیں۔ انہوں نے یہ بھی انکشاف کیا کہ بی جے پی کے ساتھ حکومت میں شامل ہونے کے لئے تین بار بات ہوئی تھی، لیکن آگے نہیں بڑھ سکے۔

انڈیا ٹوڈے سے بات چیت میں این سی پی لیڈر نے کہا کہ وہ بھی بوڑھے نہیں ہوئے ہیں اور اٹل بہاری کا مشہور جملہ نہ ٹائرڈ ہوں، نہ ریٹائرڈ ہوں۔ ّنہ تھکا ہوں، نہ ریٹائرڈ ہوں) دہرایا۔ انہوں نے کہا کہ جب تک پارٹی کارکنان ان سے کہتے رہیں گے، تب تک وہ کام کرسکتے ہیں۔

اجیت پوار نے کہا تھا- کب ریٹائر ہوں گے؟

اجیت پور نے 5 جولائی کو ممبئی کے باندرہ میں پارٹی لیڈران کے ساتھ طاقت کا مظاہرہ کیا تھا۔ اس میٹنگ میں این سی پی کے 53 میں سے 32 اراکین اسمبلی شامل ہوئے تھے۔ اسی میٹنگ کو خطاب کرتے ہوئے اجیت پوار نے چچا شرد پوار کو ریٹائر ہونے کا مشورہ دیا تھا۔ انہوں نے کہا تھا، “62 کی عمر میں سرکاری افسرریٹائر ہوجاتے ہیں۔ 75 سال کی عمر میں سیاست میں بی جے پی لیڈر ریٹائر ہوجاتے ہیں، آپ 83 کے ہوگئے ہیں، آپ کو کہیں تو رکنا ہوگا۔”