Bharat Jodo Nyay Yatra: مدھیہ پردیش پہنچی ‘بھارت جوڑو نیا ئےیاترا’، راہل گاندھی کے ساتھ اسٹیج پر نظر آئے کمل ناتھ

کانگریس کے سابق صدر راہل گاندھی ہفتہ کو بھارت جوڑو نیا ئے یاترا کے حصہ کے طور پر مدھیہ پردیش کے مورینا پہنچے جہاں انہوں نے ایک جلسہ عام سے خطاب کیا۔ اس دوران راہل گاندھی نے کسانوں کی تحریک کا مسئلہ اٹھایا اور مرکزی حکومت کو گھیرتے ہوئے کہا کہ کسانوں کے ساتھ معاشی ناانصافی کی جا رہی ہے۔ اس دوران اسٹیج پر سابق وزیر اعلی کمل ناتھ بھی نظر آئے۔

اس دوران کمل ناتھ نے راہل گاندھی کی تعریف کرتے ہوئے کہا کہ وہ  پیار اور امن کی بات کرتے ہیں جو ہماری ثقافت ہے۔ وہ نئی نسل کے مستقبل کو محفوظ بنانا چاہتے ہیں ۔ آپ کو بتاتے چلیں کہ کمل ناتھ کو راہل گاندھی کے ساتھ ایک ایسے وقت میں اسٹیج شیئر کرتے دیکھا گیا جب کچھ دن پہلے ان کے بی جے پی میں شامل ہونے کی قیاس آرائیاں کی جارہی تھیں۔

دوسری جانب راہل گاندھی نے اپنی تقریر میں بی جے پی اور آر ایس ایس پر نفرت اور تشدد پھیلانے کا الزام لگایا۔ راہل گاندھی نے کہا، ’’ایک طرف، بی جے پی والے ایک مذہب کو دوسرے مذہب سے بانٹ رہے ہیں اور ایک ریاست کو دوسرے سے لڑا رہے ہیں۔ یہ لوگ ملک میں نفرت پھیلانے کا کام کر رہے ہیں جبکہ ہم نفرت کے بازار میں محبت کی دکان کھول رہے ہیں۔

راہل گاندھی نے کسانوں کے مسئلہ پر یہ بات کہی۔

راہل گاندھی نے کہا، ‘ہندوستان میں پاکستان اور بنگلہ دیش سے دوگنی بے روزگاری ہے اور اس کی وجہ مودی جی کی نوٹ بندی اور جی ایس ٹی اسکیم ہے۔ مودی جی صرف بڑے صنعت کاروں کے پیسے معاف کرتے ہیں کسانوں کے پیسے معاف نہیں کرتے۔ کسانوں کا مطالبہ ہے کہ انہیں ان کی فصلوں کے لیے ایم ایس پی ملنا چاہیے اور انھیں ان کی فصلوں کی صحیح قیمت ملنی چاہیے۔ کسان چاہتے ہیں کہ انہیں ان کی فصلوں کے لیے ایم ایس پی ملنا چاہیے لیکن بی جے پی کہتی ہے کہ ہم ایم ایس پی نہیں دیں گے۔ یہ معاشی ناانصافی ہے۔ لیکن جیسے ہی مرکز میں ہماری حکومت بنے گی، ہم سب سے پہلے کسانوں کو ایم ایس پی دیں گے۔

راہل گاندھی نسلوں کے مستقبل کو محفوظ بنانے میں مصروف ہیں – کمل ناتھ

دوسری طرف کمل ناتھ نے نیا یاترا کے دوران کہا کہ راہل گاندھی یاترا پر نکلے ہیں۔ یہ ان کا مدھیہ پردیش کا دوسرا دورہ ہے۔ وہ صرف پیار، پیار اور امن کی بات کر رہے ہیں۔ یہ آج ہمارے ملک کا کلچر ہے۔ ہمارے ملک کا کلچر جوڑنے کا کلچر ہے۔ محبت اور پیار کا کلچر ہے۔ راہل گاندھی آج اس کلچر کا پیغام دے کر گلی گلی گھوم رہے ہیں۔ کیونکہ ہم اپنی آنے والی نسلوں کا مستقبل محفوظ بنانا چاہتے ہیں۔