Gautam Adani on Operation Sindoor: گوتم اڈانی نے ہندوستانی فوج کی بہادری کی تعریف کی، کہا- یہ آپریشن بڑی کامیابی

ہندوستانی فوج کے حالیہ آپریشن سندورسے متعلق معروف صنعت کارگوتم اڈانی نے فوج کی بہادری اورلگن کی تعریف کی ہے۔ اڈانی نے اس آپریشن کوقومی سلامتی کے لئے ایک اہم قدم قراردیا۔ آپریشن سندور، جسے ہندوستانی فوج نے انتہائی خفیہ طریقے اورتزویراتی مہارت کے ساتھ انجام دیا، یہ دہشت گردی کے خلاف ایک مضبوط کارروائی تھی۔ اس آپریشن میں فوج نے سرحدی علاقوں میں دہشت گردی کی کارروائیوں کو ناکام بناتے ہوئے خوفناک عناصرکوبے اثرکیا۔

گوتم اڈانی نے اپنے پیغام میں کہا کہ بھارتی فوج کا یہ آپریشن نہ صرف ملک کی سلامتی کو مضبوط بناتا ہے بلکہ عالمی سطح پربھی بھارت کی طاقت کو ظاہرکرتا ہے۔ انہوں نے فوجیوں کی بہادری اوران کی قربانیوں کو سلام پیش کرتے ہوئے کہا کہ یہ ملک کے لیے قابل فخرلمحہ ہے۔ اڈانی نے یہ بھی کہا کہ کارپوریٹ سیکٹر اورسماج کو فوج کی کوششوں کی حمایت کرنی چاہیے۔

آپریشن سندورکی کامیابی نے ایک بارپھرہندوستانی فوج کی تزویراتی صلاحیت اورفوری کارروائی کی طاقت کواجاگرکیا ہے۔ اس آپریشن سے مقامی کمیونٹیزمیں تحفظ کے احساس میں بھی اضافہ ہوا ہے۔ اڈانی کی تعریف نے سوشل میڈیا پربڑے پیمانے پربحث چھیڑدی ہے، جس میں لوگ فوج کی بہادری کی تعریف کر رہے ہیں۔