In Wall Street Journal interview, PM Modi calls for overhaul of global institutions: وزیر اعظم نریندر مودی امریکہ کے سرکاری دورے پر ہیں۔ یہ پی ایم مودی کا پہلا سرکاری دورہ ہے، جس کے لیے امریکی صدر جو بائیڈن اور خاتون اول جل بائیڈن نے انہیں مدعو کیا تھا۔ تاریخی دورے سے پہلے پی ایم مودی نے امریکہ کے معروف اخبار وال اسٹریٹ جرنل کو ایک خصوصی انٹرویو دیا ہے۔ انٹرویو میں پی ایم مودی نے عالمی سیاست میں ہندوستان کے کردار، اقوام متحدہ کی سلامتی کونسل کی توسیع اور چین کے ساتھ تعلقات کے بارے میں بات کی ہے۔ پی ایم مودی نے کہا کہ امریکہ اور ہندوستان کے لیڈروں کے درمیان بے مثال اعتماد ہے۔عالمی سیاست میں ہندوستان کے کردار کے بارے میں بات کرتے ہوئے پی ایم مودی نے کہا کہ ہندوستان ایک اعلی، گہرے اور وسیع پروفائل اور کردار کا مستحق ہے۔ بھارت کسی ملک کی جگہ لینے کی کوشش نہیں کر رہا ہے۔ اس عمل کو ہندوستان کو دنیا میں اس کا صحیح مقام حاصل کرنے کے طور پر دیکھا جانا چاہئے۔ پی ایم مودی نے کہا کہ آج دنیا ایک دوسرے سے زیادہ جڑی ہوئی ہے اور ایک دوسرے پر منحصر ہے۔ دنیا کو لچکدار بنانے کے لیے سپلائی چینز کو مزید متنوع ہونے کی ضرورت ہے۔
چین کے ساتھ معمول کے تعلقات کے لیے امن ضروری
چین کے ساتھ تعلقات کے سوال پر پی ایم مودی نے کہا کہ دونوں اطراف کے درمیان معمول کے تعلقات کے لیے ضروری ہے کہ سرحد پر امن و سکون ہو۔ انہوں نے کہا کہ ہم خودمختاری اور علاقائی سالمیت کے احترام، قانون کی حکمرانی اور اختلافات وتنازعات کے پرامن حل پر یقین رکھتے ہیں لیکن ہندوستان اپنی خودمختاری اور وقار کے تحفظ کے لیے پوری طرح تیار اور پرعزم ہے۔
ہم امن کے حق میں ہیں
پی ایم مودی نے کہا کہ تمام ممالک کو بین الاقوامی قانون اور دوسرے ممالک کی خودمختاری کا احترام کرنا چاہیے۔ تنازعات کو جنگ سے نہیں بلکہ سفارت کاری اور بات چیت سے حل کیا جانا چاہیے۔ اس سوال پر کہ ہندوستان کس طرف کھڑا ہے، پی ایم مودی نے کہا، کچھ لوگ کہتے ہیں کہ ہم غیر جانبدار ہیں، لیکن ہم غیر جانبدار نہیں ہیں۔ ہم امن کے حق میں ہیں۔ دنیا کو پورا یقین ہے کہ ہندوستان کی اولین ترجیح امن ہے۔
پی ایم مودی نے سلامتی کونسل کی توسیع پر بات کی
ہندوستان ایک طویل عرصے سے اقوام متحدہ کی سلامتی کونسل میں مستقل نشست کا مطالبہ کر رہا ہے۔ اس وقت سلامتی کونسل میں پانچ مستقل ارکان امریکہ، برطانیہ، فرانس، روس اور چین ہیں۔ پی ایم مودی نے کہاکہ کونسل کی موجودہ رکنیت کا جائزہ لیا جانا چاہئے اور دنیا سے پوچھا جانا چاہئے کہ کیا وہ چاہتی ہے کہ ہندوستان وہاں رہے۔ روس-یوکرین جنگ پر، پی ایم مودی نے کہا، ہندوستان جو کچھ بھی کرسکتا ہے وہ کرے گا اور تنازع کو ختم کرنے اور دیرپا امن و استحکام کو یقینی بنانے کی تمام حقیقی کوششوں کی حمایت کرتا ہے۔
میں اپنے ملک کو دنیا کے سامنےویسا ہی پیش کرتا ہوں جیسا ہے
پی ایم مودی نے کہا کہ میں آزاد ہندوستان میں پیدا ہونے والا پہلا وزیر اعظم ہوں۔ میرا سوچنے کا عمل، میرا طرز عمل، میں جو کچھ کہتا ہوں اور کرتا ہوں وہ میرے ملک کی خصوصیات اور روایات سے متاثر ہیں۔ مجھے اس سے اپنی طاقت ملتی ہے۔ میں اپنے ملک کو دنیا کے سامنے پیش کرتا ہوں جیسا کہ میرا ملک ہے اور خود کو جیسا کہ میں ہوں۔
بھارت ایکسپریس۔
راج یوگی برہما کماراوم پرکاش ’بھائی جی‘ برہما کماریج سنستھا کے میڈیا ڈویژن کے سابق…
پارلیمنٹ میں احتجاج کے دوران این ڈی اے اور انڈیا الائنس کے ممبران پارلیمنٹ کے…
این سی پی لیڈرچھگن بھجبل کی وزیراعلیٰ دیویندرفڑنویس سے ملاقات سے متعلق قیاس آرائیاں تیزہوگئی…
سردی کی لہر کی وجہ سے دہلی پر دھند کی ایک تہہ چھائی ہوئی ہے۔…
ڈلیوال کا معائنہ کرنے والے ایک ڈاکٹر نے صحافیوں کو بتایاکہ ان کے ہاتھ پاؤں…
سنبھل میں یو پی پی سی ایل کے سب ڈویژنل افسر سنتوش ترپاٹھی نے کہاکہ…