مرکزی وزیر داخلہ امت شاہ نے ہفتہ کو گجرات کے احمد آباد کے پرہلاد نگر گارڈن میں ایک یوگا سیشن میں حصہ لیا۔ گجرات کے وزیر داخلہ ہرش سنگھوی، ایم ایل اے امت ٹھاکر اور بی جے پی کے سینئر لیڈران بھی ان کے ساتھ اس یوگا سیشن میں شامل ہوئے۔ اس کے علاوہ سیکڑوں شہری بھی یوگا کا عالمی دن منانے کے لیے وزیر داخلہ کے ساتھ سیشن میں شریک ہوئے۔
امت شاہ نے سوشل میڈیا پلیٹ فارم ’ایکس‘ پر پوسٹ کرتے کہا کہ یوگا طویل عرصے سے ہندوستان کی صحت مند زندگی کی روایت کا حصہ رہا ہے۔ انھوں نے لکھا ’’یوگا کی باقاعدہ مشق جسم، دماغ اور خیالات کو بیماریوں سے بچاتی ہے اور مثبت توانائی پیدا کرتی ہے۔‘‘انھوں نے مزید لکھا کہ پی ایم مودی کی قیادت میں پور دنیا نے یوگا کو اپنالیا ہے۔ ساتھ ہی انھوں نے لوگوں پر زور دیا کہ وہ یوگا کو اپنی روزمردہ کی زندگی کا حصہ بنائیں۔
ہندوستان بھر میں ہزاروں لوگوں نے منایا یوگا کا عالمی دن
احمد آباد میں منعقدہ یہ پروگرام ’’یوگا سنگم‘‘ کا حصہ تھا، جو آیوش کی وزارت کی طرف سے ایک ملک گیر پہل ہے۔ ہندوستان بھر میں اس کے ہزاروں سیشن ہوئے۔ اس پروگرام کا مقصد یوگا کے صحت سے متعلق فوائد کے بارے میں بیداری پھیلانا اور لوگوں کو باقاعدگی سے یوگا کرنے کی ترغیب دینا ہے، جو کہ وزیر اعظم مودی کے یوگا سے متعلق وژن کے مطابق ہے۔
دریں اثنا دنیا بھر میں موجود ہندوستانی سفارت خانوں اور ثقافتی مراکز نے بھی یوگا کے عالمی دن پر یوگا سیشنز کا اہتمام کیا۔ نیپال میں ہندوستانی سفارت خانہ اور لمبنی ڈیولپمنٹ ٹرسٹ نے بھگوان بدھ کی جائے پیدائش لمبنی میں ایک بڑی تقریب کا انعقاد کیا۔ ہندوستانی سفیر نوین سریواستو نے کہا کہ اقوام متحدہ کی جانب سے21 جون کو 2014 میں عالمی یوگا ڈے کے طور پر منانے کے اعلان کے بعد سے یوگا ایک عالمی تحریک بن گیا ہے۔
بھارت ایکسپریس اردو
سونے کی قیمتوں میں گراوٹ کے بعد وزیر اعظم کے پرانے مشورے کی تعریف، لاکھوں…
ایس جے شنکر اور بلغاریہ کی وزیر خارجہ کے درمیان اہم مذاکرات۔ بھارت اور بلغاریہ…
مرکزی وزیر داخلہ نے کہا کہ ہندوستانی فوج اور انڈو تبت بارڈر پولیس کے جوان…
اس کتاب کو خاص طور پر دلچسپ بنانے والی چیز اس تبدیلی کے پیچھے کارفرما…
وزیراعظم مودی نے نو افراد کی موت پر اظہارِافسوس کرتے ہوئے کہا ہے کہ حادثے…
ہندوستان کے سابق جارحانہ اوپننگ بلے باز وریندر سہواگ اپنے ٹیسٹ کیریئر میں مجموعی طور…