Clean Your Tongue: زبان صاف نہ کرنے کی عادت صحت کے لیے خطرناک، ورنہ ہاضمے سمیت کئی مسائل ہوسکتے ہیں پیدا

نئی دہلی :صبح کا وقت انسانی جسم کے لیے نہایت اہم سمجھا جاتا ہے کیونکہ اس دوران جسم خود کو ڈیٹاکس کرنے کے عمل میں مصروف ہوتا ہے۔ عام طور پر لوگ صبح اٹھتے ہی دانت صاف کرتے ہیں، لیکن اکثر افراد زبان کی صفائی کو نظر انداز کر دیتے ہیں۔ ماہرین کے مطابق یہ عادت آہستہ آہستہ صحت کے لیے خطرناک ثابت ہو سکتی ہے۔ماہرین کا کہنا ہے کہ صبح اٹھنے کے بعد زبان پر نظر آنے والی سفید تہہ دراصل جسم میں موجود زہریلے مادوں کی علامت ہوتی ہے۔ اگر زبان کو صاف نہ کیا جائے تو یہ ٹاکسن دوبارہ جسم میں داخل ہو سکتے ہیں، جس سے ہاضمے کے مسائل پیدا ہونے لگتے ہیں۔ اس کے علاوہ منہ سے بدبو آنا، ذائقہ محسوس نہ ہونا، بیکٹیریا میں اضافہ، دانتوں کی کمزوری اور ہاضمے کی خرابی جیسے مسائل بھی پیدا ہو سکتے ہیں۔

آیوروید کے مطابق زبان کی صفائی ایک چھوٹی مگر انتہائی مفید عادت ہے، جو کئی بیماریوں سے بچانے میں مددگار ثابت ہوتی ہے۔ ماہرین کے مطابق صبح کے وقت سب سے پہلے ٹنگ کلینر سے زبان کو ہلکے ہاتھ سے دو سے تین بار صاف کرنا چاہیے۔ اس کے بعد دانتوں کو برش کریں اور اچھی طرح کلی کریں۔اس کے بعد آئل پلنگ بھی مفید ثابت ہو سکتی ہے۔ اس طریقے میں منہ میں ناریل کا تیل لے کر چند منٹ تک گھمایا جاتا ہے اور پھر کلی کر لی جاتی ہے۔ اس سے منہ میں موجود بیکٹیریا کم ہوتے ہیں اور زبان بھی صاف رہتی ہے۔

ماہرین کے مطابق اس معمولی عادت سے منہ کی بدبو ختم ہوتی ہے، بیکٹیریا کم ہوتے ہیں اور نظامِ ہاضمہ بہتر ہوتا ہے۔ زبان جسم کا اہم حصہ ہے اور اس کا براہ راست تعلق ہاضمے سے ہوتا ہے۔ منہ کی صفائی سے صحت مند لعاب بنتا ہے جو کھانے کو ہضم کرنے میں اہم کردار ادا کرتا ہے۔ماہرین کا کہنا ہے کہ اگر روزانہ زبان کی صفائی کو معمول بنا لیا جائے تو چند ہی دنوں میں صحت پر مثبت اثرات نمایاں ہونے لگتے ہیں۔

بھارت ایکسپریس اردو