قومی

Kuno National Park: کونو نیشنل پارک میں ننھے چیتوں کی آمد، وزیر اعلیٰ موہن یادو نے کہا- وزیر اعظم نریندر مودی کی دور اندیش قیادت کی بڑی کامیابی

مدھیہ پردیش کے کونو نیشنل پارک سے جنگلی حیات کے شوقین افراد کے لیے ایک بڑی خوشخبری سامنے آئی ہے۔ یہاں بوٹسوانا سے لائی گئی ڈھائی سالہ مادہ چیتا کے او ایم جی-3 (OMG-3) نے جمعہ کے روز پارک کے جنگلات میں چار صحت مند بچوں کو جنم دیا ہے۔ مدھیہ پردیش کے وزیر اعلیٰ ڈاکٹر موہن یادو نے اس خوشی کا اظہار کرتے ہوئے اسے ’پروجیکٹ چیتا‘ کے لیے ایک تاریخی اور قابل فخر کامیابی قرار دیا ہے۔

بھارت میں چیتوں کی مجموعی تعداد بڑھ کر 62 ہوگئی

وزیر اعلیٰ موہن یادو نے بتایا کہ چار نئے بچوں کی پیدائش کے ساتھ ہی بھارت میں چیتوں کی مجموعی تعداد بڑھ کر 62 ہوگئی ہے۔ خاص بات یہ ہے کہ ان میں سے 43 چیتوں کی پیدائش بھارت کی سرزمین پر ہی ہوئی ہے۔ وزیر اعلیٰ نے کہا کہ چار سال قبل شروع کیا گیا چیتوں کی بحالی کا پروگرام آج ایک قابل ذکر مثال بن چکا ہے۔ انہوں نے اسے وزیر اعظم نریندر مودی کی دور اندیش قیادت میں بھارت کے جنگلی حیات کے تحفظ کے عزم کی بڑی کامیابی قرار دیا اور کہا کہ یہ مدھیہ پردیش کے لیے بھی خصوصی فخر کا باعث ہے۔ وزیر اعلیٰ نے اس تاریخی کامیابی پر ’پروجیکٹ چیتا‘ سے وابستہ تمام ماہرینِ جنگلی حیات، ویٹرنری ڈاکٹروں اور محکمہ جنگلات کے اہلکاروں کو دلی مبارک باد پیش کی۔

کونو کی کامیابی کے بعد دیگر پناہ گاہوں میں بھی چیتوں کو بسانے کی تیاری تیز

ایشیا میں مسلسل معدوم ہوتی چیتوں کی نسل کو بچانے کے لیے مدھیہ پردیش کے کونو نیشنل پارک کو اس اہم منصوبے کے لیے منتخب کیا گیا تھا۔ تقریباً چار سال قبل وزیر اعظم نریندر مودی نے اپنی سالگرہ کے موقع پر کونو نیشنل پارک میں جنوبی افریقہ سے لائے گئے چیتوں کے پہلے گروپ کو آزاد کیا تھا۔ اس کے بعد بھی مزید چیتوں کو یہاں لایا گیا۔ وقت کے ساتھ کونو کا موسم اور ماحول چیتوں کے لیے سازگار ثابت ہوا، جس کے نتیجے میں جنوبی ایشیا میں معدوم ہوتی اس نسل کو دوبارہ آباد کرنے کی کوششوں کو کامیابی ملنے لگی۔ کونو نیشنل پارک میں چیتوں کی دوبارہ آبادکاری کا تجربہ کامیاب ہونے کے بعد اب ریاست کے گاندھی – ساگر اور نورادیہی وائلڈ لائف سینکچری میں بھی چیتوں کو بسانے کی کوششیں تیز کر دی گئی ہیں۔

بھارت ایکسپریس اردو۔

Abdul Awwal

Recent Posts

PM Modi Condolence: یوگی آدتیہ ناتھ کو والدہ کے انتقال کا صدمہ، وزیر اعظم مودی نے فون کرکے تعزیت کی

وزیر اعلیٰ یوگی آدتیہ ناتھ کی والدہ ساوتری دیوی کا 91 سال کی عمر میں…

39 minutes ago

Giriraj Singh on PM Modi Bihar Visit: بہار پوروانچل کا گیٹ وے، وزیر اعظم نریندر مودی کی آمد سے ترقی کو ملیں گے نئے پر: گری راج سنگھ

مرکزی وزیر گری راج سنگھ نے وزیر اعظم نریندر مودی کے دورۂ بہار کو ریاست…

43 minutes ago

INDIA bloc on Azam Khan’s Remark: اعظم خان کے ’بریانی‘ والے بیان پر انڈیا اتحاد متحد، اویسی کو آئینہ دکھانے کا دعویٰ

فخر الحسن چاند نے کہا کہ جو لوگ اعظم خان کے ہمدرد ہونے کا دعویٰ…

56 minutes ago

LAKHPATI DIDI: وزیر اعظم نریندر مودی کی پہل سے خواتین کی زندگی میں آئی خوشحالی، کوروا کی خواتین لکھ پتی بن کر رقم کر رہی ہیں تاریخ

چھتیس گڑھ کے ضلع بلرام پور کے پہاڑی کوروا اکثریتی گاؤں پتراپارہ کی 108 خواتین…

60 minutes ago