بھارت ایکسپریس۔
آئی جی آئی ایئر پورٹ پر تعینات سیکورٹی افسران نے ایمیگریشن ریکٹ کا پردہ فاش کیا ہے۔
Delhi IGI Airport News: دارالحکومت دہلی میں واقع اندرا گاندھی انٹرنیشنل ایئرپورٹ کی ٹیم نے ایک ایمیگریشن ریکٹ کا پردہ فاش کیا ہے۔ کارروائی کے دوران ایئرپورٹ پرایمیگریشن ریکٹ کے ایک ایجنٹ کوایک مسافرکے ساتھ گرفتارکیا۔ آئی جی آئی ایئرپورٹ پر تعینات سیکورٹی افسران نے بتایا کہ ان کی ٹیم نے ایف آئی آر نمبر431/23 تاریخ 21 جولائی 2023 یو/ایس 420/468/471 آئی پی سی ایکٹ کے تحت درج معاملے کو حل کرنے میں کامیابی حاصل کی ہے۔ افسران کے مطابق، ایمیگریشن ریکٹ کے ایجنٹ لوگوں کو میکسیکوکے راستے امریکہ بھیجنے کے نام پرٹھگی کرتے تھے۔ آئی جی آئی ایئرپورٹ کے افسران نے پکڑمیں آئے ملزمین کی تصویر بھی اپنی ویب سائٹ پر جاری کی ہے۔
اس کے علاوہ ایمیگریشن فراڈ میں شامل ایجنٹوں کے خلاف اپنی سخت مہم کو جاری رکھتے ہوئے، آئی جی آئی ایئرپورٹ کی ٹیم اکیلے جولائی کے گزشتہ ایک ماہ میں 8 الگ الگ معاملوں میں 10 اور ایجنٹوں کو گرفتارکرنے میں کامیاب رہی ہے۔ افسران نے کہا کہ آئندہ جی-20 سمٹ کے مد نظر، آئی جی آئی ایئرپورٹ پولیس اسٹیشن کی ٹیم آئی جی آئی ایئرپورٹ پر سرگرم دلالوں کے خلاف سرگرم ہے اور اس طرح، اب تک (31 جولائی تک) دلالی کے کل 192 معاملے درج کئے گئے ہیں۔
پی ایس آئی جی آئی ایئرپورٹ کے افسران کے مطابق، اس سال 2023 میں تب 246 اشخاص کو گرفتار کیا گیا اور 152 گاڑیاں ضبط کی ہیں۔ اس کے علاوہ اس سال 31.07.2023 تک دھوکہ دہلی/جعل سازی کے 138 معاملے بھی درج کئے گئے اور 202 اشخاص کو گرفتار کیا گیا۔
یہ بھی پڑھیں: Modi Surname Defamation Case: راہل گاندھی کو سپریم کورٹ سے ملی بڑی رات، سزا پر عدالت نے لگائی روک، بحال ہوگی لوک سبھا کی رکنیت
پہلے بھی ہوا ہے ایسے ریکٹ کا پردہ فاش
جون کے مہینے میں ٹیم نے سری لنکائی شہریوں کو دھوکہ دے کر ہندوستان کے راستے بیرون ملک بھیجنے کے الزامات میں دو ایجنٹوں کو گرفتار کیا تھا۔ وہیں آئی جی آئی ایئر پورٹ پر کچھ دنوں پہلے ہی بیرون ملک سے آئے سونے کی کھیپ بھی پکڑی تھی۔ آئی جی آئی ایئرپورٹ پر ہی 21 جون کو سی آئی ایس ایف نے ایک مشتبہ مسافرکو پکڑا تھا۔ مذکورہ مشتبہ مسافر کے پاس سے تقریباً 1597 گرام سونے کا پیسٹ برآمد ہوا تھا۔ وہ شخص دبئی سے ایئر انڈیا کی فلائٹ سے ہندوستان پہنچا تھا۔
اتر پردیش میں پیر کی دیر رات بڑا انتظامی ردوبدل کیا گیا۔ حکومت نے 34…
دہلی کے دیش بندھو گپتا روڈ تھانہ علاقے کے کشن گنج میں 7 سالہ بچی…
صدر جمہوریہ مختلف زمروں کے فاتحین کو دیں گی قومی فلم ایوارڈ، تقریب میں بالی…
فلم ’ہنومان انش‘ کی کامیابی کے بعد پروڈیوسر انوپریا ناگر ایودھیا پہنچیں، جہاں انہوں نے…
’ہندی میری جان 2026‘ کے دوسرے ایڈیشن میں 22 ستمبر کو انڈیا اسلامک کلچرل سینٹر…
راؤز ایونیو کورٹ کے پرانے حکم کو منسوخ کرکے معاملہ دوبارہ مجسٹریٹ عدالت بھیجا گیا،…