ایمس کی نرسنگ طالبہ نے کی خودکشی، پولیس نے شروع کی تحقیقات
Delhi AIIMS: دہلی ایمس میں نرسنگ کی تعلیم حاصل کرنے والی طالبہ کی خودکشی کا معاملہ سامنے آیا ہے۔ یہ واقعہ 30 اپریل کو پیش آیا۔ پولیس سے موصولہ اطلاع کے مطابق متوفی طالبہ بی ایس سی نرسنگ کے دوسرے سال میں زیر تعلیم تھی۔ معاملے کی تفتیش کرنے والے پولیس افسر کا کہنا ہے کہ طالبہ نے ایمس ہاسٹل میں پنکھے سے لٹک کر خودکشی کی۔
خودکشی نوٹ میں ڈپریشن کا ذکر
پولیس کو متوفی طالب علم کے کمرے سے ایک خودکشی نوٹ بھی ملا ہے۔ اس نوٹ میں طالبہ نے لکھا ہے کہ وہ کچھ عرصے سے ڈپریشن میں تھی اور اسی وجہ سے اب خودکشی کر رہی ہے۔ پولیس کے مطابق متوفی طالبہ کی عمر 21 سال تھی اور وہ بہار کے شیخ پورہ کی رہائشی تھی۔ فی الحال پولیس نے لاش کو اپنی تحویل میں لے کر پوسٹ مارٹم کے لیے بھیج دیا ہے۔ اس کے علاوہ اس معاملے کی ہر پہلو سے جانچ کی جا رہی ہے۔
ایمس میں اس طرح کا یہ پہلا معاملہ نہیں
آپ کو بتا دیں کہ ایمس دہلی میں کسی طالب علم کی خودکشی کا یہ پہلا واقعہ نہیں ہے۔ چند سال قبل بھی ایک 22 سالہ ایم بی بی ایس کے طالب علم نے ہاسٹل کی پانچ منزل کی چھت سے چھلانگ لگا کر خودکشی کر لی تھی۔ پولیس کے مطابق متوفی کی ذہنی حالت ٹھیک نہیں تھی اور وہ زیر علاج تھا۔ مہلوک طالب علم کی شناخت 22 سالہ وکاس کے طور پر ہوئی تھی۔ وہ بنگلورو کا رہنے والا تھا اور دو سال پہلے ایم بی بی ایس کرنے آیا تھا۔
وکاس نے 2018 میں ایم بی بی ایس میں داخلہ لیا تھا۔ وہ اصل میں بنگلورو کا رہنے والا تھا۔ پولیس کے مطابق وکاس ذہنی طور پر ٹھیک نہیں تھا اور اسے سائیکاٹری ڈیپارٹمنٹ میں داخل کرایا گیا تھا۔ تفتیش سے معلوم ہوا کہ اس نے ایک گھنٹے کی چھٹی لی اور پھر اپنے ہاسٹل کی پانچویں منزل سے چھلانگ لگا دی تھی۔
-بھارت ایکسپریس
بہار کے پورنیہ سے آزاد امیدوار کے طور پرجیت حاصل کرنے والے راجیش رنجن عرف…
ممبئی ایئرپورٹ پہنچنے پرہندوستانی ٹیم کا استقبال کیا گیا۔ جہاز پر واٹر کینن سے پانی…
نئی دہلی: جمعیۃ علماء ہند کی مرکزی مجلس منتظمہ کا اہم اجلاس اس کے صدردفتر…
اکتوبر 2022 میں، چینگ اور چائنا پروجیکٹ اس وقت شدید مشکلات میں پڑ گئے جب…
چیف جسٹس آف انڈیا ڈی وائی چندر چوڑ کو 157 وکلاء نے خط لکھا ہے۔…
پروفیسر سلیمان نے حکومت سے مطالبہ کیا کہ زخمیوں کا جلد از جلد مناسب علاج…