قومی

DDA officer found guilty of contempt of court: پیڑوں کی کٹائی معاملے میں ڈی ڈی اے افسر توہین عدالت کے قصوروار قرار، سپریم کورٹ نے عائد کیا جرمانہ

دہلی کے محفوظ ریج علاقے میں بغیر اجازت پیڑ کاٹے جانے کے معاملے میں سپریم کورٹ نے اپنا فیصلہ سنایا ہے۔ عدالت نے دہلی ڈیولپمنٹ اتھاریٹی (ڈی ڈی اے) کے افسروں کو راجدھانی کے ریج علاقے میں پیڑوں کی کٹائی کے لیے توہین عدالت کا مرتکب ٹھہراتے 25000 روپے کا جرمانہ عائد کیا ہے۔ حالانکہ عدالت نے یہ بھی تسلیم کیا کہ پیڑوں کی کٹائی سڑک چوڑی کاری کے مقصد سے کی گئی تھی۔

جسٹس سوریہ کانت اور جسٹس این کے سنگھ کی بنچ نے سماعت کے دوران کہا کہ ڈی ڈی اے کے افسروں نے علاقے میں پیڑوں کی کٹائی کی اجازت دینے سے پہلے سپریم کورٹ کی اجازت نہیں لی ہے اور عدالت کی توہین کی ہے جو کہ 1996 کے ایک فیصلے کے تحت ضروری تھی۔

یہ معاملہ گزشتہ سال 3 فروری 2024 کا ہے جب میدان گڑھی میں مرکزی مسلح افواج انسٹی چیوٹ آف میڈیکل سائنسز (سی اے پی ایف آئی ایم ایس) تک سڑک چوڑی کرنے کے لیے ریج علاقے میں پیڑ کاٹے گئے تھے۔ بنچ نے پیڑوں کی کٹائی کے معاملے پر سپریم کورٹ کے فیصلے کی خلاف ورزی اور دہلی کے لیفٹیننٹ گورنر اور آئی اے ایس افسر سبھاشیش پانڈا کی طرف سے ڈی ڈی اے کے چیئرمین اور وائس چیئرمین کے طور پر احکام پر جان بوجھ کر عمل نہیں کرنے کا الزام لگانے والی توہین کی عرضی پر فیصلہ سنایا ہے۔

عدالت نے آگے وسیع شجرکاری منصوبہ کی دیکھ ریکھ کے لیے تین رکنی کمیٹی کی تشکیل اور پینل کو ہدایت دی ہے کہ وہ پہنچ راسطے کی دونوں طرف گھنے پیڑ لگانا یقینی کرے۔

واضح رہے کہ 21 جنوری کو عدالت نے اپنا حکم محفوظ رکھتے ہوئے کہا تھا کہ اسے عرضیوں میں مبینہ توہین کی سنگینی کو دیکھنے کی ضرورت ہے۔ سماعت کے دوران عدالت نے دہلی ڈیولپمنٹ اتھاریٹی (ڈی ڈی اے) کو ریج علاقے میں پیڑ کاٹے جانے پر سخت پھٹکار لگائی تھی۔ عدالت نے کہا تھا کہ قومی راجدھانی میں پیڑ کاٹے جانے جیسے کام کو ہلکے میں نہیں لیا جا سکتا ہے۔ عدالت نے ڈی ڈی اے کے وائس چیئرمین کو یہ بتانے کو کہا تھا کہ کیا انہوں نے لیفٹیننٹ گورنر کے حکم پر پیڑ کاٹے ہیں؟ ساتھ ہی سپریم کورٹ نے ڈی ڈی اے کے 3 افسروں کو توہین عدالت کا نوٹس جاری کیا تھا۔

بھارت ایکسپریس اردو۔

Habiburrahman

Recent Posts

Vehicle Falls into a Gorge in Rudraprayag: اتراکھنڈ کے رودرپریاگ میں گاڑی گہری کھائی میں گری، 3 افراد ہلاک، 4 زخمی

موصولہ اطلاعات کے مطابق، اتوار کی دوپہر تقریباً ایک بجے گاڑی نمبر یو کے 13…

33 minutes ago

OP Rajbhar Statement: اعظم خان مسلم لیڈر ہیں تو سماجوادی پارٹی کسی مسلمان کو وزیر اعلیٰ کا چہرہ قرار دے: اوم پرکاش راج بھر

اتر پردیش میں 2027 کے اسمبلی انتخابات سے پہلے سیاسی بیان بازی تیز، ریاستی وزیر…

1 hour ago

UP Assembly Polls: یوپی اسمبلی انتخابات میں سیٹوں کی تقسیم کے لیے سماجوادی پارٹی نے تشکیل دی چار رکنی کمیٹی، اقرا چودھری ہوں گی ٹیم کا حصہ

سماجوادی پارٹی نے مذاکراتی کمیٹی میں قومی جنرل سکریٹری رام گوپال یادو، ریاستی صدر شیام…

2 hours ago