بین الاقوامی

Russia Attacks in Kyiv: روسی حملے میں کیف میں موجود ایک عمارت کا ایک حصہ منہدم، 14 افراد لاپتہ، ملبے میں دبے ہونے کا خدشہ

کیف: یوکرین کے صدر وولودیمیر زیلنسکی نے بتایا ہے کہ روسی ڈرون حملے کے بعد کیف کے علاقے میں ایک پانچ منزلہ عمارت کا ایک حصہ منہدم ہوگیا۔ اس واقعے کے بعد اتوار کی صبح سے دیمر علاقے میں تلاش اور راحت و بچاؤ کا آپریشن جاری ہے۔ ملبے میں 14 افراد کے دبے ہونے کا خدشہ ظاہر کیا جا رہا ہے۔

امدادی ٹیموں نے 9 افراد کو بحفاظت نکالا

یوکرین کے صدر وولودیمیر زیلنسکی نے سوشل میڈیا پلیٹ فارم ایکس پر بتایا کہ راحت اور بچاؤ ٹیموں نے تیزی سے کارروائی کرتے ہوئے اب تک 9 افراد کو بحفاظت باہر نکال لیا ہے، جبکہ آگ پر بھی قابو پا لیا گیا ہے۔ تاہم، ملبے کے نیچے اب بھی لوگوں کے پھنسے ہونے کا خدشہ ہے۔ انہوں نے بتایا کہ فی الحال 14 افراد لاپتہ ہیں اور ان کی تلاش جاری ہے۔ جائے وقوعہ پر تمام ضروری ہنگامی خدمات اور امدادی ٹیمیں تعینات کر دی گئی ہیں۔

زاپوریزیا میں روسی حملے سے ایک بچہ زخمی

اس دوران زاپوریزیا میں بھی روس کی جانب سے رہائشی عمارتوں کو نشانہ بناتے ہوئے گائیڈیڈ فضائی بموں سے حملہ کیا گیا، جس میں ایک بچہ زخمی ہوگیا۔ یوکرین کے صدر کا کہنا ہے کہ اس ہفتے ملک کے 20 علاقوں پر روسی حملے ہوئے ہیں۔ ان حملوں کے دوران روس نے تقریباً 2700 ڈرون، لگ بھگ 1460 فضائی بم اور مختلف اقسام کے 165 میزائل داغے۔

دعویٰ کیا گیا ہے کہ ان میں بڑی تعداد بیلسٹک میزائلوں کی بھی تھی، جن میں شمالی کوریا کے میزائل بھی شامل تھے۔ زیلنسکی نے الزام لگایا کہ روس مسلسل شمالی کوریا کو ان میزائلوں کی ٹیکنالوجی بہتر بنانے میں مدد فراہم کر رہا ہے، تاکہ ان کی ہدف کو نشانہ بنانے کی صلاحیت میں اضافہ کیا جا سکے۔

یوکرین کی فضائی دفاعی نظام مضبوط بنانے کی اپیل

یوکرین کے صدر زیلنسکی نے کہا کہ ایسے حالات میں ملک کو بیلسٹک میزائلوں کو روکنے والے انٹرسیپٹرز کی فراہمی میں ہونے والی تاخیر کو سمجھنا مشکل ہے۔ انہوں نے ملک کے فضائی دفاعی نظام کو مزید مضبوط بنانے کی ضرورت پر زور دیا۔ یوکرین نے خاص طور پر امریکہ سے اپیل کی ہے کہ وہ ’پیٹریاٹ ایئر ڈیفنس سسٹم‘ کے لیے ان میزائلوں کی منتقلی کی اجازت دے، جن کی ادائیگی اس کے اتحادی ممالک ’پرل‘ پروگرام کے تحت پہلے ہی کر چکے ہیں۔

انہوں نے کہا کہ ’پرل‘ پروگرام کے تحت تعاون جاری رہنا انتہائی ضروری ہے، کیونکہ یوکرین کے لیے بیلسٹک میزائلوں کو روکنے والے انٹرسیپٹرز حاصل کرنے کا یہ ایک اہم ذریعہ ہے۔ یوکرین کے حکام نے ان تمام ممالک اور شراکت داروں کا شکریہ ادا کیا ہے، جنہوں نے ملک کی سلامتی اور دفاعی صلاحیتوں کو مضبوط بنانے میں تعاون کیا ہے۔

بھارت ایکسپریس۔

Md Hammad

Recent Posts

OP Rajbhar Statement: اعظم خان مسلم لیڈر ہیں تو سماجوادی پارٹی کسی مسلمان کو وزیر اعلیٰ کا چہرہ قرار دے: اوم پرکاش راج بھر

اتر پردیش میں 2027 کے اسمبلی انتخابات سے پہلے سیاسی بیان بازی تیز، ریاستی وزیر…

4 minutes ago

UP Assembly Polls: یوپی اسمبلی انتخابات میں سیٹوں کی تقسیم کے لیے سماجوادی پارٹی نے تشکیل دی چار رکنی کمیٹی، اقرا چودھری ہوں گی ٹیم کا حصہ

سماجوادی پارٹی نے مذاکراتی کمیٹی میں قومی جنرل سکریٹری رام گوپال یادو، ریاستی صدر شیام…

35 minutes ago

Inauguration of a new campus in Itanagar: این ڈی آر ایف کی 12ویں بٹالین کا کیمپس پورے شمال مشرقی خطے کے لیے حفاظتی مرکز ہوگا: امت شاہ

ایٹا نگر میں نئے کیمپس کا افتتاح، آٹھوں شمال مشرقی ریاستوں کی ایس ڈی آر…

43 minutes ago

PM Modi Lucknow Speech: ’آپریشن سندور‘ میں دشمنوں کی نیند اڑانے والا برہموس میزائل اب اتر پردیش میں تیار ہو رہا ہے: وزیر اعظم مودی

لکھنؤ میں ایک پروگرام سے خطاب کرتے ہوئے وزیر اعظم نریندر مودی نے کہا کہ…

45 minutes ago

Ayesha’s Salute Wins Over Kerala CM: عائشہ کے سیلوٹ نے کیرالہ کے وزیر اعلیٰ کا جیت لیا دل، دوبارہ ملاقات پر وی ڈی ستیشن نے ظاہر کی خوشی

عائشہ فاطمہ چیرانیلور کے الفاروقیہ ہائر سیکنڈری اسکول میں نویں جماعت کی طالبہ ہے۔ وی…

50 minutes ago