Shahnawaz Hussain on Charanjit Singh Channi: چرنجیت سنگھ چنی اور کانگریس نے ہندوستانی فوج کے حوصلے پست کرنے کا کام کیا: شاہنواز حسین

نئی دہلی: پنجاب کے سابق وزیر اعلیٰ اور کانگریس کے سینئر لیڈر چرنجیت سنگھ چنی نے سرجیکل اسٹرائیک پر ثبوت مانگ کر ایک تنازعہ کھڑا کر دیا ہے۔ بی جے پی کے قومی ترجمان شاہنواز حسین نے چنی کے بیان پر سخت ردعمل ظاہر کیا ہے۔ انہوں نے کہا کہ چنی اور کانگریس نے ہندوستانی فوج کا مورال توڑنے کا کام کیا ہے۔

ہفتہ کے روز نیوز ایجنسی آئی اے این ایس سے بات کرتے ہوئے بی جے پی کے ترجمان نے کہا کہ یہ صرف چنی کا بیان نہیں ہے، یہ کانگریس کا دفتری بیان ہے۔ پارٹی بریفنگ میں کانگریس نے چنی کو سرجیکل اسٹرائیک پر سوال اٹھانے اور ثبوت مانگنے کے لیے استعمال کیا۔ اس سے ظاہر ہوتا ہے کہ کانگریس کو ہندوستانی فوج پر بھروسہ نہیں ہے اور وہ ہماری مسلح افواج کے حوصلے پست کر رہی ہے۔ کانگریس دوہری زبان بول رہی ہے۔ اس کے لیے ملک کانگریس کو معاف نہیں کرے گا۔

کانگریس ورکنگ کمیٹی کی میٹنگ میں کانگریس کے قومی صدر ملکارجن کھڑگے کہہ رہے ہیں کہ دہشت گردی کے خلاف کارروائی کرنے کے لیے مرکزی حکومت کا منصوبہ کیا ہے۔ اس پر بی جے پی کے ترجمان نے کہا کہ انتظار کیجئے اور ملک کو سوچنے دیجئے۔

انہوں نے کہا کہ میں سمجھتا ہوں کہ جس طرح کانگریس چیف اور سابق وزیر اعلیٰ چنی نے بیان دیا ہے۔ اس کو لے کر کانگریس پارٹی کے تئیں لوگوں میں کافی غصہ ہے۔ وہ ان کی تلاش میں ہیں اور پوچھنا چاہتے ہیں کہ کانگریس مسلسل فوج کا مورال کیوں گرا رہی ہے۔

آر جے ڈی لیڈر تیجسوی یادو کی طرف سے پی ایم مودی کو ذات پات کی بنیاد پر مردم شماری کے حوالے سے لکھے گئے مکتوب پر شاہنواز حسین نے کہا کہ تیجسوی یادو اس بات سے پریشان اور مایوس ہیں کہ مدعا ان کے ہاتھ سے نکل گیا ہے۔ اب وہ وزیراعظم کو مکتوب لکھنے کا سہارا لے رہے ہیں۔ لیکن ان کے مکتوب سے کیا فرق پڑے گا؟ وزیر اعظم نریندر مودی کے فیصلے سے پورے ملک میں خوشی کی لہر ہے۔ تیجسوی کو پسماندہ طبقات کی فکر کرنے کی ضرورت نہیں ہے۔ فکر کرنے کے لیے پی ایم مودی ہیں۔

پاکستان کے وزیر دفاع کے ہندوستان پر حملے کے بیان پر شاہنواز حسین نے کہا کہ خواجہ آصف مکمل طور پر بوکھلا گئے ہیں۔ حالانکہ، وہ پاکستان کے وزیر دفاع ہیں لیکن ان کا کوئی کنٹرول نہیں ہے۔ وہ صرف’بیان وزیر‘ ہیں جو مسلسل کھوکھلی دھمکیاں دے رہے ہیں۔ پاکستانیوں میں خوف صاف نظر آرہا ہے کہ ان کی راتوں کی نیندیں اڑ چکی ہیں۔

بھارت ایکسپریس۔