Chandrayaan 3 Landing: چاند پر چندریان-3 کی سافٹ لینڈنگ پر وزیر اعظم مودی نے ملک کے لئے تاریخی لمحہ قرار دیتے ہوئے کہا- اب چندا ماما دور کے نہیں…

PM Modi On Chandrayaan 3 Landing: ہندوستان نے بدھ (23 اگست) کوتاریخ رقم کردیا۔ چندریان-3 نے چاند کی سطح پرسافٹ لینڈنگ کرلی ہے۔ وزیراعظم نریندرمودی نے بھی اسے لے کرخوشی کا اظہارکیا ہے۔ وزیراعظم مودی نے کہا، “جب ہم اپنی آنکھوں کے سامنے تاریخ بناتے ہوئے دیکھتے ہیں، تو زندگی خوشحال ہوجاتی ہے۔ ہندوستان چاند کے اس جنوبی قطب پرپہنچا ہے، جہاں آج تک دنیا کا کوئی ملک نہیں پہنچا ہے۔”

چاند سے افسانوی باتیں بدل جائیں گی

 وزیراعظم نریندرمودی نے کہا کہ “آج سے چاند سے متعلق افسانوی باتیں بدل جائیں گی۔ چندا ماما کو دورکہا جاتا تھا، اب بچے کہیں گے کہ چندا ماما ایک ٹور کے۔ ہم نے زمین پرعزم کیا اور چاند پراسے شرمندہ تعبیربھی کیا۔ ہندوستان اب چاند پرہے۔”

انہوں نے کہا، “اس سے پہلے کوئی بھی ملک وہاں (چاند کے جنوبی قطب) نہیں پہنچا ہے۔ ہمارے سائنسدانوں کی سخت محنت سے ہم وہاں پہنچے ہیں۔ کبھی کہا جاتا تھا کہ چندا ماما بہت دور کے ہیں، اب ایک دن وہ بھی آئے گا جب بچے کہا کریں گے کہ چندا ماما بس ایک ٹور کے ہیں۔”

یہ بھی پڑھیں:  Chandrayaan-3 Moon Mission Landing: چندریان-3 نے رقم کی تاریخ، چاند کے جنوبی قطب پر لینڈ کرنے والا دنیا کا واحد ملک بنا ہندوستان

ملک کے لئے فخرکا لمحہ

وزیراعظم نریندر مودی پورے عمل کو دیکھنے کے لئے جنوبی افریقہ کے جوہانسبرگ شہر سے ورچوئلی انڈین اسپیس ریسرچ آرگنائزیشن (اسرو) سے جڑے۔ اس پروزیراعظم  مودی نے کہا کہ یہ ملک کے لئے فخر کا لمحہ ہے۔