Rishabh Pant: رشبھ پنت کے لئے مسیحا بنا بس ڈرائیور ، 26 جنوری کو اعزاز سے نوازے گی، اتراکھنڈ حکومت

Rishabh Pant: اتراکھنڈ کے وزیر اعلی پشکر سنگھ دھامی نے اتوار کو اعلان کیا کہ ان کی حکومت 26 جنوری کو یوم جمہوریہ پر ہریانہ روڈ ویز کے ڈرائیور اور آپریٹر کو اسٹار کرکٹر رشبھ پنت کی جان بچانے کے لیے اعزاز سے نوازے گی، جو حال ہی میں ایک کار حادثے کا شکار ہو گئے تھے۔ درحقیقت، پنت 30 دسمبر بروز جمعہ ایک خوفناک کار حادثے میں بری طرح زخمی ہو گئے تھے، جن کی مدد کے لیے یہ دونوں مسیحا بن کر آگے آئے تھے۔

رشبھ پنت کی جان بچانے والوں کو اعزاز سے نوازا جائے گا

اس کار حادثے میں پنت کی جان بال بال بچی۔ انسانیت کی مثال قائم کرتے ہوئے، ہریانہ روڈ ویز کے ڈرائیور سنیل کمار اور کنڈکٹر پرمجیت پنت کی مدد کے لیے آگے آئے اور ان کی جان بچائی۔ اس بہادری کے لیے ہریانہ اسٹیٹ ٹرانسپورٹ کارپوریشن نے انہیں اعزاز سے نوازا تھا اور اب اتراکھنڈ حکومت نے ان دونوں کو اعزاز دینے کا فیصلہ کیا ہے۔

اتراکھنڈ کے وزیر اعلیٰ پشکر سنگھ دھامی کا بیان

اتراکھنڈ کے وزیر اعلی پشکر سنگھ دھامی نے کہا کہ ڈرائیور اور کنڈکٹر نے اپنی جان خطرے میں ڈال کر رشبھ پنت کی جان بچائی۔ دھامی نے کہا کہ ہریانہ روڈ ویز کے ملازمین نے ایمرجنسی سے نمٹنے کے لیے اپنی صلاحیت کا مظاہرہ کیا۔ انہوں نے کہا کہ ہریانہ روڈ ویز کے ڈرائیور اور کنڈکٹر نے کرکٹر رشبھ پنت کی جان بچائی۔ ہم نے 26 جنوری کو ان کا اعزاز دینے کا فیصلہ کیا ہے۔

یہ بھی پڑھیں- Rishabh Pant:رشبھ پنت کے سر میں دو کٹ ، گھٹنے میں چوٹ ،بی سی سی آئی نے جاری کیا بیان

پنت کی صحت کیا ہے؟

اب پنت کا علاج چل رہا ہے۔ اسپتال سے موصولہ اطلاع کے مطابق پنت کے دماغ اور ریڑھ کی ہڈی کی ایم آر آئی رپورٹ نارمل آئی ہے۔ جمعہ کو ان کے چہرے کی پلاسٹک سرجری ہوئی ہے۔ فی الحال پنت کے گھٹنے اور ٹخنے کے بارے میں مزیدچوٹ بتائی جا رہی ہے۔ ان انجری کے بعد پنت کا کرکٹ سے دور رہنا ناگزیر ہے، لیکن سوال یہ ہے کہ پنت کب تک واپس آئیں گے، کیا وہ آسٹریلیا کے خلاف ٹیسٹ سیریز میں کھیلیں گے یا نہیں؟

اس کے علاوہ، یہ خیال کیا جا رہا ہے کہ پنت کو مکمل طور پر صحت یاب ہونے میں کم از کم 3-4 ماہ لگیں گے۔ پنت کی چوٹ کی وجہ سے نہ صرف ٹیم انڈیا بلکہ دہلی کیپٹلس کو بھی بڑا دھچکا لگا ہے۔

-بھارت ایکسپریس