Brij Bhushan Sharan: جنسی استحصال کے الزامات کے درمیان گونڈہ میں کشتی ٹورنا منٹ کے ‘مہمان خصوصی’ بنے برج بھوشن سنگھ، افسران نے کیا استقبال

گونڈہ میں کشتی ٹورنا منٹ کی افتتاحی تقریب میں مہمان خصوصی کے طور پر برج بھوشن سنگھ نے شرکت کی۔

ملک میں اس وقت بی جے پی رکن پارلیمنٹ اور بھارتیہ کشتی فیڈریشن (ڈبلیو ایف آئی) کے صدر برج بھوشن سنگھ سے متعلق ملک میں سیاست گرمائی ہوئی ہے۔ ان پر خواتین پہلوانوں کے جنسی استحصال اور ڈرانے دھمکانے کا الزام ہے۔ انہیں جانچ کمیٹی کی طرف سے اپنی رپورٹ سونپنے تک عہدہ سے علیحدگی اختیارکرکے جانچ میں تعاون کرنے کے لئے کہا گیا ہے۔ مرکزی وزیر کھیل انوراگ ٹھاکر کی یقین دہانی کے بعد کھلاڑیوں کا دہلی کے جنتر منتر پر احتجاج ختم ہوگیا ہے، لیکن برج بھوشن شرن سنگھ پیچھے ہٹنے کو تیار نہیں ہیں۔ انہوں نے آج ہفتہ کے روز (21 جنوری) کو اترپردیش کے گونڈہ میں شروع ہوئے کشتی ٹورنا منٹ میں مہمان خصوصی کے طور پر شرکت کرنے پہنچے۔

خبروں کے مطابق، آج ہفتہ کے روز گونڈہ کے نندنی نگر اسٹیڈیم میں سینئر اوپن نیشنل رینکنگ ٹورنا منٹ کی شروعات ہوئی، جس کا افتتاح بی جے پی رکن پارلیمنٹ برج بھوشن سنگھ نے کیا۔ اسٹیج پر جانے سے پہلے افسران نے ان کا والہانہ استقبال کیا اور پھولوں سے خیرمقدم کیا۔ برج بھوشن سنگھ نے وہاں ہونے والے کھیلوں کا بھی لطف لیا۔

4 ہفتے میں انصاف کی کرائی گئی ہے یقین دہانی

جنسی استحصال اور ڈرانے دھمکانے کے الزام میں مرکزی وزیر کھیل انوراگ ٹھاکر نے یہ اعلان کیا ہے کہ 7 رکنی نگرانی کمیٹی برج بھوشن سنگھ کے خلاف لگائے گئے جنسی استحصال اور بالی بدعنوانی کے الزامات کی جانچ کرے گی۔ انہوں نے کھلاڑیوں کا یقین دہانی کرائی ہے کہ 4 ہفتے کے اندرانصاف ہوگا۔ فی الحال معاملے کی جانچ جاری ہے، لیکن اسی درمیان ان کو یوپی کے گونڈہ میں کشتی ٹورنا منٹ میں مہمان خصوصی بنایا جانا بھی سوالوں کے گھیرے میں ہے۔

4 ہفتوں میں رپورٹ پیش کرے گی کمیٹی

میٹنگ کے بعد پریس کانفرنس سے خطاب کرتے ہوئے مرکزی وزیرانوراگ ٹھاکرنے کہا کہ کھلاڑیوں کے ساتھ مسلسل بات چیت ہوتی رہی۔ تمام کھلاڑیوں نے ریسلنگ فیڈریشن آف انڈیا پر سنگین الزامات لگائے اور وہ کیا اصلاحات چاہتے ہیں، یہ بات بھی سامنے آئی… ایک اوورسائٹ کمیٹی بنائی جائے گی۔ وہ اگلے 4 ہفتوں میں اپنی تحقیقات مکمل کرکے رپورٹ سونپے گی۔ انہوں نے کہا کہ تحقیقات مکمل ہونے تک ایک کمیٹی روزمرہ کی سرگرمیوں کو دیکھے گی۔ تب تک ریسلنگ فیڈریشن آف انڈیا کے صدربرج بھوشن سنگھ خود کو روزمرہ کے کام کاج سے دور رکھیں گے اورتحقیقات میں تعاون کریں گے۔

یہ بھی پڑھیں: Brij Bhushan Sharan Singh Controversy: بابری مسجد شہادت سانحہ سے لے کرگینگسٹرایکٹ تک… برج بھوشن سنگھ کا تنازعہ سے رہا ہے گہرا ناطہ

پہلوان بجرنگ پونیا نے کہا کہ مرکزی وزیر انوراگ ٹھاکر نے تمام کھلاڑیوں کو یقین دلایا ہے۔ سب کوسمجھایا بھی گیا ہے… ہم کھلاڑی اپنا احتجاج ختم کررہے ہیں کیونکہ حکومت نے ہمیں یقین دہانی کرائی ہے۔ ہمیں یقین ہے کہ ہمیں انصاف ملے گا۔ اس سے قبل ونیش پھوگاٹ، بجرنگ پونیا، ساکشی ملک، روی دہیا اوردیپک پونیا نے انڈین اولمپک ایسوسی ایشن کے صدر پی ٹی اوشا کو ریسلنگ فیڈریشن آف انڈیا کے صدر کے خلاف مبینہ جنسی ہراسانی کی شکایات پر خط لکھا تھا، جس کے بعد ایسوسی ایشن نے 7 رکنی کمیٹی کی تشکیل کی ہے۔ دوسری طرف اپنے اوپرلگائے گئے الزامات پر برج بھوشن شرن سنگھ نے کہا کہ میں استعفیٰ نہیں دوں گا۔ کانگریس لیڈردپیندر ہڈا کے اشارے پرمیرے خلاف سیاست کی جارہی ہے۔ یہ چند کھلاڑی وہ ہیں جن کا کیریئر ختم ہو چکا ہے۔

-بھارت ایکسپریس

Nisar Ahmad