Brij Bhushan Sharan Singh News: ‘ونیش-پونیا معاملے پر رہیں خاموش …’، بی جے پی ہائی کمان نے برج بھوشن کودی ہدایت

پہلوان ونیش پھوگٹ اور بجرنگ پونیا کے کانگریس میں شامل ہونے کے بعد، سابق ریسلنگ فیڈریشن آف انڈیا (ڈبلیو ایف آئی) کے سربراہ برج بھوشن شرن سنگھ نے انہیں نشانہ بنایا۔ انڈیا ٹوڈے کی رپورٹ کے مطابق، بی جے پی ہائی کمان نے پارٹی کے سابق رکن پارلیمنٹ برج بھوشن سنگھ کو مشورہ دیا ہے کہ وہ ونیش اور پونیا کے خلاف بیان دینے سے گریز کریں۔

برج بھوشن سنگھ کا کانگریس پر نشانہ

برج بھوشن شرن سنگھ نے کہا تھا کہ ونیش پھوگاٹ اور بجرنگ پونیا نے کشتی میں نام کمایا اور اس کھیل کی طاقت سے دنیا بھر میں مشہور بھی ہوئے، لیکن کانگریس میں شامل ہونے کے بعد ان کا نام مٹ جائے گا۔ ونیش پھوگاٹ اور بجرنگ پونیا ان پہلوانوں میں شامل تھے جنہوں نے گزشتہ سال برج بھوشن سنگھ کے خلاف کئی جونیئر پہلوانوں کو ہراساں کرنے کا الزام لگا کر احتجاج کیا تھا۔

برج بھوشن سنگھ نے مزید کہا کہ اگر ونیش اور بجرنگ یہ سوچ رہے ہیں کہ وہ اسمبلی الیکشن جیت جائیں گے تو وہ غلط فہمی کے شکار ہیں۔ انہوں نے کہا تھا کہ بی جے پی کا ایک چھوٹا امیدوار بھی انہیں شکست دے گا۔ کانگریس نے جولانہ اسمبلی سیٹ سے ونیش پھوگاٹ کو میدان میں اتارا ہے۔ بجرنگ پونیا کو آل انڈیا کسان کانگریس کا سربراہ مقرر کیا گیا ہے اور وہ ہریانہ انتخابات میں مہم چلائیں گے۔

ونیش پھوگاٹ نے بی جے پی کو نشانہ بنایا

کانگریس میں شامل ہونے کے بعد ونیش پھوگاٹ نے کہا تھا کہ وہ نہ ڈریں گی اور نہ ہی پیچھے ہٹیں گی۔ انہوں نے کہا تھا کہ پوری بی جے پی برج بھوشن سنگھ کی حمایت کر رہی ہے، جب کہ کانگریس نے احتجاج کرنے والے پہلوانوں کی حمایت اس وقت کی جب انہیں دہلی کی سڑکوں پر گھسیٹا جا رہا تھا۔

پہلوان ونیش پھوگٹ نے کہا تھا، “میں جنتر منتر پر کشتی چھوڑ سکتی تھی کیونکہ بی جے پی کا آئی ٹی سیل یہ پروپیگنڈا کر رہا تھا کہ ہم مردہ کارتوس ہیں۔ انہوں نے کہا کہ میں نیشنلز میں نہیں کھیلنا چاہتی تھی، لیکن میں کھیلی۔ میں ٹرائلز میں حصہ نہیں لینا چاہتی تھی، لیکن میں نے ایسا کیا… انہوں نے کہا کہ میں اولمپکس میں نہیں جا سکتی، لیکن میں گئی … لیکن بدقسمتی سے اوپر والے کو کچھ اور ہی منظور تھا ۔ “

بھارت ایکسپریس۔